Масжид Ан-Набавий

Бусалба дин чу, дозалга диллача, Пайхамара маьждиг шоллагӀа доагӀа, Маккарча Хьарам-маьждига тӀехьеи, Байтулмакъдисе доаллача Акъса маьждигал хьалхеи. Мухьаммад Пайхамар, Даьлера салоти салам-моаршали хилда цунна, дӀавелла́ воалл цу маьждиге.

Маьждиг
Масжид ан-Набавий
Аль-Масжид ан-Набавий
Ӏар. المسجد النبوي‎
Пайхамара маьждиг
Паччахьалкхе	СаӀудий Ӏарбий мохк
Провинци	Маддане
Пхье	Маддане
Координаташ	HGЯOL
Доалахо	СаӀудий Ӏарбий мохк
Маьждига тайпа	Рузбан маьждиг
Архитектуран стиль	Ислама архитектура
Белгала хӀамаш	Мухьаммад Пайхамар, ﷺ, дӀавелла́ воала моттиг
ТӀеххьара имам	Хьусайн ибн Ӏабдул-Ӏазиз А́ль аш-Шайх
Хьал	Ислама шоллагӀа даздар
Чухувш	600,000 (хьажол деча хана 1 миллионага кхоач)
Мимарий дукхал	10
Мимара лакхал	105
Хьал	болх беш да
Тарахьа	Y
Марха дехкари дастари	Y
Библиотека	Y
Медиафайлаш Викиларма чу

ХӀижрат даьчул тӀехьагӀа Мухьаммад Пайхамар, Даьлера салам-моаршал хилда цунна, Маддане Ӏохайнав, цу хана Ясриб яхаш хиннай из. Цига Цо а цун асхьабаша а, АллахӀ раьза хилва царна массаненна, цӀенош детта́, цӀеношта маьждиг хьатӀаде доладаьд. Пайхамара, Даьлера салам-моаршал хилда цунна, ше а да́къа лаьцад маьждиг хьалдеш. Хьалдетта́ хиннача маьждига хьалхашкеи тӀехьашкеи бӀоагӀий доахка отараш хиннад, юкъе тхов тӀабоаца ков хиннад. Шоай цӀеношкара маьждиге дӀачубувла йиш йолаш хиннаб Пайхамара а, Даьлера салам-моаршал хилда цунна, (истий цӀеношкара), цун цхьабола асхьабаш а шоай къаьстта́ цӀи йолаш хиннача наӀарашка гӀолла. ТӀехьагӀа асхьабашта юкъе Абу Бакраяр мел йоацар дӀакъайлийта́ хиннай Даьла Элчано, Даьлера салам-моаршал хилда цунна. Пайхамар, Даьлера салам-моаршал хилда цунна, вала ма веллинге, цун сесаг Ӏа́ишата цӀагӀа дӀавелла́ хиннав из, тӀехьагӀа Абу Бакр а, ХаттӀаб воӀ Ӏумара дӀабийхкаб цунна йисте.

Цул тӀехьагӀа масайттазза тоадеш, шердеш хьаде́над маьждиг, кастта Пайхамари, Даьлера салам-моаршал хилда цунна, бакъ хинна вола хьалхара ши халифи, Даьла раьза хилва царна, воалла Ӏаишата цӀа чу а лоацаш, хӀаьта цу цӀен тӀа баьццара чаьтар детта́ хиннад, вай хана маьждига эггара чӀоагӀагӀа йовзаш йола белгало я из. Чаьтар маца даьд тешшаме ховш деце, а, XII бӀаьшу долалуш даьча йоазонашка хьоахадаь да из.