Лорса Лида
«Хье йоа́гӀе яде́ йо́ла», «Йо́ла со́га», е на́ха́ юкъе яьржа́ цӀи «Лорса Лида» — гӀалгӀай иллиалархочо Хамхой Ахьмада 1936 шера язъяь йола йиш, тӀехьагӀа халкъа йиш хинна дӀаяхай.
Лоаманцара лаьча дека ма ала сога,
Хеначара кукала кхайка ма ала сога,
Вахачара дӀа цӀа воха ма ала сога,
Хье йоагӀе яде йола, ва, Лорса Лида.
Колхоза зама хьаэттай вайна,
Цунца вай боахамаш тоалуш да вайна.
Колхоза бешамаш хьувкъаш я вайна,
Хье йоагӀе яде йола, ва Лорса Лида.
Киса леха зама дӀаяьннай вайна
Урдув тела зама дӀаяьннай вайна
Киса дуза зама хьаяьннай вайна,
Хье йоагӀе яде йола, ва, Лорса Лида.
Дода хи-тоатол мо со сиха ва хьона
Из яьнна буц мо со дукха ва хьона
Хьо мел кхаьчача хургволаш ва хьона
Хье йоагӀе яде йола, ва, Лорса Лида.
Ӏа яхар дац хьона, ва, Лорса Лида.
Хьона хетар дац хьона, ва, Лорса Лида.
Сай сил дукхагӀа хьо еза сона,
Хье йоагӀе яде йола, ва, Лорса Лида.
Тархьар
Йиш хьахиларах Хамхой Ахьмада ше дувц:
 | Цкъа мархаш доасташ, ЖӀайраха нийсделар тхо. Новкъосташца хьоашалгӀа даха́ дагӀача тхона гӀулакх деш хьайзар тӀеххоза, эздел долаш йола йоӀ. Юххера, гӀайтта тхоаш цигара дӀадолхаш, цу йоӀага айса илли яздергхиларах хоам бир аз. Яз а дир. Хаматханов Лорса йоӀ Лида яр из. |  |
Лорса́р (Хаматхананаькъан Лорсеи цун дезали) бахаш ДӀаьхача Къуха хиннаб. Лида цӀагӀа йоккхагӀа хиннай, хӀаьта из йоацаш кхы а 5 дезалхо хиннав. Ведажанаькъанга маьре яхай.
1944 шера гӀалгӀай мехках баьхача хана денз ерригача паччахьалкхе гӀалгӀай культура, масала, ашараш массанена хозаш лекхар могадеш хиннадац. 1953 шера Сталин венначул тӀехьагӀа «Лорса Лида» гӀалгӀай меттала йола хьалхара йиш хиннай радиога гӀолла лакхийтар.
2010 шера «Лоам» яхача гӀалгӀай мукъама тоабо лекхар из йиш, цул тӀехьагӀа кхы чӀоагӀагӀа гӀоръяьлар из.
Сакъердаме бакъдар
Йиш араяьннача хана денз Лида яха цӀи техкар чӀоагӀагӀа даьржа хиннад, из йиш наха езаенна хиларга хьежжа.
Белгалдаккхар
Литература
- Арчаков Cали. «Вай деций, вай кӀантий деций…» // Сердало : газет. — 2017. — ардара 17 дийнахьа.
This article uses material from the Wikipedia ГӀалгӀай article Лорса Лида, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.