Къематди
Кхела сахьат тӀадоагӀаргдац, цхьа ди лелабеш геттара боккха ши бӀу вӀаший латалца, шиннена йоккха йов а хулаш; хӀаране ший Даьла элча ва а яхаш ткъаь иттех оапаш бувцараш гучабовлалца; АллахӀа нахагара дин Ӏилма дӀаайдалца (дӀаэцалца); лаьттаагар дукхагӀа хила доладаллалца; ха сихаяллалца; харцо отталца; нах боабар дукхагӀа хила доладаллалца; шо рузкъалла лувчаш хиллалца, из рузкъа сов дукха шуга хиларах, рузкъан да саготдеш хургва цхьанне боара (сагӀа) дӀа ца эцандаь, хӀаьта из сагӀа дала эттача цунга аргда: «Сона эшаш дац из»; нах шоай цӀенош лакхагӀа дотташ яхь лувца болабаллалца; кашамашта ӀотӀехьавоаллачо «Шун когаметта валар-кх со» аллалца; малх малхбузехьара хьалбаллалца.
ХӀаьта из хьалбаьлча, на́ха́ гургда из, тӀаккха цаӀ санна массавар тешаргва (им дулларгда), бакъда цу тешаро (им дилларо) гӀодергдац царна.
Къе́матди (да) (Ӏар. ِيَوْمُ الْقِيَامَة — Латтара ди) — бусалба дин чу — хӀара саго ший даьчох доагӀашдар дӀаэцаргдола ди. Даьла кхел хургхиларах тешар Ӏакъидата дакъа да.
Къемат ди Исроафил малайко шозза су́р яхача зурма чу фо́ тохарца долалургда. Хьалхара фо тохар деррига Даьла кхолламаш доадарах хоам беш хургда, хӀаьта шоллагӀдар ше мел вола саг юхадийнаваьлгеи Даьла кхел йолаенналгеи хьахайташ хургда. Къематдийнахьа деррига кхолламаш Далла духьала увттаргда, тӀаккха шоай даьчох жоп лургда.
Къематденах лаьца Сийдолча КъорӀан чуи Пайхамара, ﷺ, хьадийсашкеи дукха хӀама хьоадаьд. Къемат ди маца хургда Алла́хӀа́ мара хац.
Белгалдаккхар
ТӀатовжамаш
- Признаки Судного дня. islamdag.ru (3 кӀимарса 2009). ТӀеххьара техка хиннад укх дийнахьа: 9.06.2013. Архиве оттадаьд хьалхара хьаста чура укх дийнахьа: 10.06.2013.
This article uses material from the Wikipedia ГӀалгӀай article Къематди, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.