Piyaway

qalang Piyaway (比亞外部落) ga cyux maki squ beh qalang Toweng si atu Hosing Ku, kwara sali buwan nya ga 41 buwan, 120 hi ku kwara s’uli tayan.

Piyaway
Hosing Ku

s’uli tayan pinspngan Gyencumin ga 93% kyan ku 112 hi, binah ga, ’yat kahun sku pinspngan Gyencumin ga 7% kyan ku 8 hi nya.

pinspung na linhuyan Gyencumin ga, Tayan 89%, Amis 2%, binah lihuyan s’uli 3%.

maki qu ngasal bziran, ru kyokay.

qalang Piyaway ga ini tehuk kbhul hi tayal nya,mpuw msyaw ngasal nyux sqaniy,Song Cyuw Lin ru Tang bwan ngasal tgluw nyux maki sqaniy, si say mha pyux qsinuw ru cikuy tayal na qutux qalang. puqing bnkis nha ga minkahul kgogan Botunokan.qalang qaniy ga nyux maki squ To’ing Piyasan kinhangan nqu Qwilan,te kraya nya ga qalang Qwilan te yahu nya ga qalang Raga Bnay,musa 600~1200 meta kinwagq na umi,nyux te ‘law kint’an llyung,qmuzi rgyax Tlaman mkura te htgan wagi.

rhzyal kki’an(部落地名由來)

lalu qalangqaniy ga sazing pintke’an nha;

1.rhiyal qaniy ga hbk’an balay na qutux qerang,Piyaway san ke tayal ru si nha lhengiy nha Piyaway smlalu la.

2.sraral mga maki qutux kneril tayal blaq balay lungan nya ma,nanu s’agal nha lalu nya smlalu la.

babaw nya m’Bokusi 宋正喜 yaqeh hazi pongan Piyaway

qaniy,trang 1976 kawas lga skayal nya Gokosyo yugun Ri’an qu lalu nya la.misuw qaniy 10 kawas mtnaq kwara inlungan qalang mha aki kbzihan loziy lalu raral,ru Piyaway loziy lalu qalang qaniy.

(部落遷徙)

pinsalan raral ga,maki squ’law kraya 200 meta qutux rhiyal mzyunaw.pnongan ke bnkis ga:pira kbhul kawas sraral ga kbhul msyaw ngasal minnaki kya ma.

puqing imi ke pinsalan:“rhiyal ka pinsrngyan,te sazing ga rhiyal ka pinkyalan.” pinqzyu qu bnkis:“pinsalan qasa ga,wal htgal skbahing na zyuwaw mgaw.baha hmswa kahul pinsqehan wal hqelan squliq.” mkura rgyax Qesu,kmayal loziy bnkis mha:“raral ga sazing mrhuw bnkis maki kya(ini baqiy lalu na sazing bnkis qasa,nyux baqun ga bnkis na Cyuw ka Song sazing bwan ngasal tgluw.) sazing ngasal qaniy ga mqhyaw na kinlkahan. maki qutux ryax sazing ngasal qaniy ga, zyuwaw na tamun kblayun qwaw ru msazyu la.mqqun ima qu balay nya, ru htgal na zyuwaw mkkut la,maki mhuqil saxa nha lwah. mkayal qu bnkis,rhiyal qaniy lga wiwal nyux syusan la,aring sqaniy lga iyat ki’un.nanu gluw na Cyuw hiya ga mkura te ‘law kraya Qwayux qasa tngasal.gluw na Song hiya ga mkura te ‘zil kraya Boliq qasa. mkayal mha laxiy ta pklapa, qelis qaniy ga si aki sa qsahuy lungan nha kryax.”

  babaw nya wahan tuqiy turuy lga, tgyut aki mwah kbzeh Pinsalan loziy,ana ga snyusan qu rhiyal qaniy son nha,ini swaya maki kya qu tayal. ru mwah smhzi te kyahu nya cikay sobeh squ tuqiy turuy qaniy la.

 wayal qu ryax,kibahan nha sazing ngasal qaniy lga mbbiq squliq uziy la,ini psparis inlungan nha la.iyat balay kinqeri ga,1952 kawas lga mwah qu Kyokay,aring kya msblaq mssi’ inlungan ru ‘myuw inlungan magal pinshota utux,kwara qu pinsqehan raral ga wiwal nqu wal nha qlyu’un llyung gogan kwara la.

kayal (宗教)

qalang ga nyux qutux Cyoro Kyokay,misuw qaniy ga Hane Taya Bokusi nyux sqaniy,tayal sqaniy ga skrangi nha “qutux ngasal ” mlahang Kyokay qaniy. mpuw gaga pincbaqan Sesyo nyux nha glgan,kwara bbnkis ga skrangi nha yaba yaya kmita.mqyanux na snhyan ka sinnlwan.mkllahang,mqasuw na qnxan.qaniy qu nyux syan inlungan na qalang.

kyokay (經濟與特產)

pinbahuw na qalang ga:qwirux lipi qapu kaway ruma. 3 byacing ga mamu bway witak.4 byacing ga klahan na lipi ka ali ruma,5 byacing tehuk 8 byacing lga qwirux kaway ru kaway sbing ka krariy,9 byacing lga mamu bway qapu la.

(觀光)

1.gong Boliq

kni’an qalang kahul gogan sraral,tngasal te llingay na gong,nanu

tayal ga gong ka kni’an bniks sraral son nha,puqing kni’an qalang Piyaway sraral gaw,ktan uziy hnaga tunux qnryan kbhul kawas sraral.

2.tuqiy Qesuw 

rgyax Qesuw- qaniy ga tuqiy osa rgyax Qesuw,sintqyan na lelaqi ka bbnkis.hahul tuqiy turuy (7 Seng) mkura tuqiy Uraw qmazeh, cikuy turuy ga tehuk squ qmazeh na bnkis Tomi,mzyup kya lga mhkani na kakay la.tuqiy qesuw qaniy ga blaq balay hlahuy nya, qqsinuw qqhuniq.misuw qaniy ga nyux galan wahan mqbaq na laqi.

3. Qwayux

Qwayux qaniy ga kni’an bnkis raral uziy,misuw qaniy ga yasa qu nyux galan niqan qsya na qalang Piyaway,blaq balay wahan mita qqsinuw.qlyan ga qqbhniq ktan,mhngan ga mqwas qu qpatung, mita mqu kmyap nniqun nya.

4. Uraw

lingay nya qutux b’bu rgyax ga snyan qongu na Gipun sraral, sbu’ nya qalang tayal,smngungu squ tayal- (Qwayux Bnay Raga Sbunaw Kgiran Piyaway).rgyax qaniy ga tlngayan na yulung krryax,qlyan ga baqun rm’r mita rgyax Nace Nagu Xuxu Rr’an, mhngan ga ktan qu pnilaw na hogan To’ing ru bbengah,blaq balay wahan rm’ra mita nnanu gaw.

ppqbaqan (教育)

pqwasan biru ’laqi cikuy (國民小學)

pqwasan biru ’laqi mrkyas (國民中學)

tuqi ’san (交通)

kahul Cyama mkura tuqiy osa Girang,kahul Girang ga mluw tuqiy mkura squ Cyama,tuqiy nqu Pehng(Tay 7 Seng) te 36 Kori bniru tuqiy lga tehuk la.

(部落文健站)

kinhulan s’utu biru

squliq

內政部戶政司全球資訊網

Tags:

Piyaway rhzyal kki’an(部落地名由來)Piyaway (部落遷徙)Piyaway kayal (宗教)Piyaway kyokay (經濟與特產)Piyaway (觀光)Piyaway ppqbaqan (教育)Piyaway tuqi ’san (交通)Piyaway (部落文健站)Piyaway kinhulan s’utu biruPiyaway squliqPiyaway 內政部戶政司全球資訊網PiyawayHosing Ku

🔥 Trending searches on Wiki Tayal:

SingaporeDinkamAli Bongo OndimbaAndrés Manuel López ObradorrhzyalMark AguirreDowmungAlexander De CrooAzerbaijanAbiy AhmedShane BattierMike BibbyAngolaIngrida ŠimonytėJohn AbramovicJoel BolomboyDrangadrang YangMyawanqutux byacingSwasiqLuli BitriqbhniqHowakPhilip Abbottkayal(天空;天氣)DanadanawRumen RadevFaustin-Archange Touadérapinbkgan na kay na WikibitiaDaniel OrtegaBotswanaJoko WidodoMark AlarieCOVID-19TangahangFalangawqsinuNikol PashinyanPratanBelarusSadyr JaparovAziyapn’asan ryaxDroupadi MurmuTubaIcelandTyrees AllenPhilippinesEstoniaRafael AddisonColumbiaLatviaGhazi AlbuliwiJames AdomianKnbungAvery BradleyTogorrgyax na HhagayKeith BogansMicah Albertitlaka’MongoliaBurkina fasoTakofanSteven Adams🡆 More