Nicolas Sarkozy

Nicolas Sarkozy
Presidenti i Francës
Në detyrë 16 maj 2007 – 15 maj 2012
Paraprirë nga	Jacques Chirac
Pasuar nga	François Hollande
Ministër i Punëve të Brendshme
Në detyrë 2 qershor 2005 – 26 mars 2007
Paraprirë nga	Dominique de Villepin
Pasuar nga	François Baroin
Kryetar i Neuilly-sur-Seine
Në detyrë 14 prill 1983 – 7 maj 2002
Paraprirë nga	Achille Peretti
Pasuar nga	Louis-Charles Bary
Të dhëna vetjake
U lind më	28 janar 1955 Paris, Francë
Bashkëshortja/et	Marie-Dominique Culioli (1982–1996) Cécilia Attias (1996–2007) Carla Bruni (m.2008)
Fëmijët	Pierre (me Culioli) Jean (me Culioli) Louis (with Cécilia Attias) Giulia (me Bruni)
Arsimimi	Universiteti Pais-Nanterre
Nënshkrimi

Para presidencës së tij, ai ishte kryetar i partisë Bashkimit për Lëvizje të Popullit (UMP). Gjatë mandatit të dytë së Jacques Chirac si presidentë, Nicolas ishte Ministër i Punëve të Brendshme përveç mes marsit 2004 dhe majit 2005 kur ishte ministër i financave. Nicolas ishte poashtu kryetar i Neuilly-sur-Seine, një nga komunat më të pasura të Francës, prej vitit 1983 deri më 2002.

Më 6 maj 2012 i humbi zgjedhjet presidenciale të vitit 2012 kundër socialistit François Hollande me vetëm 3,2 për qind diferencë të votave.

Nicolas Sarkozy është djali i dytë i hungarezit Pál Sárközyt dhe e nënës franceze Andrée Mallah. Gjyshi nga e ëma ka qenë Aaron Benico Mallah, hebrej, me profesion mjek dhe me prejardhje nga Selaniku i Greqisë. Gruaja e tij ishte francezja Adèle Bouvier e cila ishte katolike, dhe se nën ndikimin e saj edhe vet Aaroni pranoi fenë katolike. Jetuan në Lion të Francës dhe kan pasur dy vajza Suzanën dhe Andrenë, e cila pra është e ëma e kryetarit të Francës.

Sarkozi shkollën fillore Chaptal de Neuilly e kreu në Paris. Në vitin 1967 kishte përsëritur klasën e gjashtë, pas së cilës ishte regjistruar në shkollën private Saint-Louis de Monceau, ku kishte marrë mësimet e mesme. Një vit më vonë anëtarësohet në partinë “Unioni Demokrat për Republikë”.

Studimet për avokaturë i kreu në Universitetin e Parisit në Nantes. Nuk arriti ta krye shkollimin për politikë të jashtme për arsye të mosnjohjes së mjaftueshme të gjuhës angleze.

Sarkozi për herë të parë u martua më 23 shtator të vitit 1982 me Marie-Dominique Culioli. Nga kjo martese ai i ka dy djemtë Pierre dhe Jean. Në vitin 1996 formalisht u shkurorëzuan.

Në vitin 1996 Nicolas Sarkozy u kurorëzua me Cécilia Ciganer-Albéniz e cila në të vërtetë ishte gruaja e nji miku të tij. Në tetor të vitit 2007 u shkurorëzuan.

Sarkozy më 2 shkurt të vitit 2008 u martua në Paris me këngëtaren italo-franceze Carla Bruni. Kjo ishte hera e parë që një kryetar i Francës gjatë mandatit presidencial u martua.

Pas humbjes kundër François Hollande në zgjedhjet presidenciale të vitit 2012 do t'a mbyllë mandatin e tij më 15 maj 2012.

• Faqja zyrtare në Facebook
• Faqja zyrtare në Twitter
• Faqja zyrtare në Instagram
• Faqja zyrtare në Youtube
• Shënimi në database-in e Parlamentit Evropian (anglisht dhe gjuhë të tjerë të BE-së)