फारसी भाषा

ई भाषा भारोपेली भाषा परिवारक इन्डो-इरानी भाषा शाखाक इरानी भाषासभक उपशाखाक पश्चिमी विभागमे वर्गीकृत कएल जाइत अछि । ओना तँ भारतीय उपमहाद्वीपमे फारसीकें गल्ती सँ अरबी भाषाकें समीप समझल जाइत अछि, भाषावैज्ञानिक दृष्टि सँ ई अरबी सँ बहुत भिन्न आ संस्कृत भाषाक बहुत समीप अछि । संस्कृत आ फारसीमे बहुतेक लगभग हजार सँ अधिक मिलैत-जुलैत सजातीय शब्द भेटैंत अछि जे दुनू भाषासभक साझा धरोहर छी, उदाहरणक रूपमे सप्ताह/हफ्ता, नर/नर (पुरुष), दूर/दूर, हस्त/दस्त (हाथ), शत/सद (सौ), आप/आब (पानी), हर/जर (फारसीमे पियर-सोनगर, संस्कृतमे पियर-हरियर), मय/मद/मधु (शराब/शहद), अस्ति/अस्त (अछि), रोचन/रोशन (चमकीला), एक/येक, कपि/कपि (वानर), दन्त/दन्द (दाँत), मातृ/मादर, पितृ/पिदर, भ्रातृ/बिरादर (भाई), दुहितृ/दुख्तर (बेटी), वंश/बच/बच्चा, शुकर/खूक (सूअर), अश्व/अस्ब (घोड़ा), गौ/गऊ (गाय), जन/जान (संस्कृतमे व्यक्ति/जीव, फारसीमे जीवन), भूत/बूद (छल, अतीत), ददामि/दादन (देना), युवन/जवान, नव/नव (नव) आ सम/हम (बराबर)।