Arfivik (Balaena mysticetus) - Uumasunik ilisimatuut - qanoq utoqqaatigilersinnaanersoq ilisimaqqissaanngilaat.
Kisianni utoqqalinikkaarujussuusut qularnaateqanngilaq. Alaskami piniartut ukiualunnguit qaangiuttut arfivimmik ukiunik 125-nik pisoqaassusilimmik tuukkartalimmik silulipput. Misissueqqissaarnikkut paasineqarpoq arfeq ukiunik 200 missaannik utoqqaassuseqartoq, tassalu utoqqalinerminik toqquteqarani tuukkartalertinnerminik toqquteqarsimavoq. Saanilorujussuit kisimik taamatukanneq utoqqaassuseqalersinnaapput. Kisianni arferit 200 missiliorlugit ukiullit utoqqaalisinnaassutsimikkut saanilorujussuit minnerpaamik ukiunik 50-inik qaangerpaat.
Arfivik inerilluarsimasoq 15-18 meterinik takissuseqartarpoq, taavalu 44-58 tonsinik oqimaassuseqartarluni, ukiup qanoq ilinera orsuatalu issussusia apeqqutaalluni. Arfivik sikut eqimasut akornanni neriniartarpoq, arfiviillu ullut quliinnaat ingerlaneranni 1000 km-inik nikissinnaasarput. Arfiviit ukiuunerani sumiittarnersut uumasunik ilisimatuut suli naluaat. Kisianni neriuutigaat qaammataasanut nassitsissutit atortoralugit tamanna ukiuni aggersuni paasineqarumaartoq.
Wiki Commons assinik nipinilluunniit peqarpoq, uunga tunngasunik: |
Una allaaserisaq aallarniutaannaavoq. Wikipedia ikiorsinnaavat nangikkukku.
This article uses material from the Wikipedia Kalaallisut article Arfivik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Indholdet er udgivet under CC BY-SA 4.0 medmindre andet er angivet. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kalaallisut (DUHOCTRUNGQUOC.VN) is an independent company and has no affiliation with Wiki Foundation.