Wiki Basa Jawa

Sugeng rawuh ing Wikipédia Jawa

bauwarna mardika abasa Jawa kang diyasa sarana gugur-gunung

kang saiki ngemu 73.370 artikel

Tata Surya ana ing galaksi Bimasekti iku golongan barang langit kang kawangun saka sawijining lintang kang diarani Srengéngé lan kabèh objèk kang kraket déning gaya gravitasiné. Objèk-objèk mau kalebu wolung planit kang wis kauninga kanthi orbit awujud elips, limang planit cilik, 173 satelit alami kang wis kaidhèntifikasi, lan mayuta-yuta barang langit (météyor, asteroid, komèt) liyané. Tata Surya kawangun saka Srengéngé, patang planit pérangan njero, sabuk asteroid, patang planit pérangan njaba, lan ing pérangan paling njaba ya iku Sabuk Kuiper lan piringan kasebar. Awan Oort diprakirakaké ana ing laladan paling adoh kang leté watara kaping sèwu ing njaba pérangan kang paling njaba. Adhedhasar leté saka Srengéngé, wolung planit Tata Surya yaiku Merkurius utawa Buda, Venus utawa Sukra, Bumi, Mars utawa Anggara, Yupiter utawa Wrehaspati, Saturnus utawa Saniscara, Uranus, lan Neptunus. Wiwit madyaning 2008, ana limang objèk akasa kang kaklasifikasikaké minangka planit cilik. Limang planit cilik mau yaiku Ceres, Pluto, Haumea, Makemake, lan Eris. (Waca candhaké)

Vidéo pethingan

Apa ta Wikipédia iku?

Wikipédia iku bauwarna (encyclopedia) kang cumepak ing manéka basa (multilingual) tur olèh dibesut (edit), diturun (copy), lan dipandum (share) sapa baé kanthi mardika (free). Amarga cumepak ing manéka basa, mula ana Wikipédia basa Jawa iki kang kababar ing surya 8 Maret 2004. Saben wong olèh mbesut, nurun, lan mandum kaca ing Wikipédia iki. Tegesé, kowé bisa mèlu ngripta utawa nggawé artikel anyar, ndandani artikel kang durung becik, mulihaké artikel kang dirusak, lan sapanunggalané. Wong-wong kang tumandang mangkono aran naraguna (user). Kowé bisa nyawiji karo para naraguna liya ing paguyuban saperlu nuwuhaké, ngrembakakaké, lan ngregengaké Wikipédia iki. Wikipédia iki minangka salah siji barang wetoning Wiki Foundation, siji pakumpulan nirlaba, kang kanggo sapa baé tur lelahanan (gratis). Kowé ora perlu mbayar saperlu nggawé akun lan maca artikel ing Wikipédia iki. Sapréné, wis ana 61.949 akun lan 73.370 artikel ing Wikipédia basa Jawa. Ayo ngéwangi mbecikaké Wikipédia Jawa iki!

Nggawé artikel anyar

Dina iki

Kep.Maluku

1529 - Prajanjian Saragosa dipuntapakasmani, mérang wilahan bumi wétan antawis Spanyol lan Portugal kanthi wates garis bujur 17° sisih wétan Kapuloan Maluku.
1578 - Karajan Sumedang Larang madeg ugi nengeri madegipun Sumedang.
1970 - Riyaya sepindhah Dinten Bumi Sadonya.
2005 - Perdhana Mentri Jepang Junichiro Koizumi nyuwun ngapunten sacara umum amargi tumindakipun Jepang dhumateng nagari-nagari Asia, kalebet Tiongkok, ing wekdal Perang Donya II.
2013 - Salebetipun tetandhingan bal-balan, Manchester United njawarani Liga Utama Inggris. (sumber)

This article uses material from the Wikipedia Basa Jawa article Wikipédia:Pendhapa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.

🔥 Trending searches on Wiki Basa Jawa: