Saibinn Ghara Bhair Sortanam Magnnem
Our Lady's Statue leaving our house - Prayer
Romi |
_-_Jul_2008.jpg)
Saibinn Ghara Bhair Sortanam Magnnem
Eh mogache Maie ! Paulo veil Tum bhair sorcho hea ghorantli, amchim kallzam dukhim ani roddnnean adeus Tuka kortat. Kitlo khoxal dis ami kaddlo Tujea sangata, ani kitli dukh amkam bhogta polleun tum hea gharantli bhair sortai mhonn! Koxi Tum sanddun veta ghalun chodda eksurponnam he amche familik ! Adeus mogache Maie, vochum naka tor, amkam Tujem besanv dilea bogor, visrum naka heam Tujea putrank je zaito Tuzo mog kortat ani axen rautat vell Tujea porton ienneacho hea Tujea ghorant. Itlea mhonnosor tum vetai thoim ami Tuje borobor ietanv visvasan amchea kallzamnim. Zaiti ani zaitim argam Tuka ditanv Saibinni Tujea mogachea iennea pasot ani Tujea upkarank je favo nastanam Tujea mogam amkam keleai. Tujea kakutin damp amchim onupkarponnam ani guneanv je ami adarleat, nhoi amchea khoxen, bogor amchea nennarponnan ani dolldiran. Hem polleun vhoddle churchure amche kor ani vhoddlem besanv amcher ghal. Ghal tujea dolleantuli ek kakutichi nodor amcheam otmeam voir, tor amche dolle tuka ami laitanv prarthun ani magon, melloi amkam kurpa Tuzo mog korunk soglea amchea jivitant ani tuka bogunk sasnachea sasnnank. Eh Morie patka vinnem somboulele vinot kor amchea pasun je tuka prartitanv.
Amen
Polleiat
Saibinn Gharant Bhitor Sortanam Magnnem
Familichi Bhett
This article uses material from the Wikipedia गोंयची कोंकणी / Gõychi Konknni article Saibinn Ghara Bhair Sortanam Magnnem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.