Кампутарная Гульня Менск: кампутарная гульня 1999 року
«Менск» — беларускамоўная кампутарная гульня, створаная ў 1999 годзе распрацоўнікамі пад псэўданімамі Gildur, Morfin і Forion.
Мэта гульні — разграміць гопніцкі клюб «Рэактар», а таксама забіць галоўнага фашыста Беларусі Бацьку.
| Менск | |
| Дата выпуску | 1999 |
|---|---|
| Апошняя вэрсія | 2.71828… (2000) |
| Жанр | Roguelike |
| Стваральнікі | |
| Распрацоўнікі |
|
| Мова інтэрфэйсу | беларуская мова |
| Тэхнічныя дэталі | |
| Плятформы | MS-DOS, Windows |
| Рэжым | Адзінаасобная гульня |
| Носьбіт | дыскета[d] |
| Сыстэмныя патрабаваньні | |
| манітор, клявіятура, сыстэмны блёк | |
| Кіраваньне | клявіятура |
Гульнявы працэс
Беларускі рокер Лявон вырашыў пазбавіць Менск ад скінгэдаў, гопнікаў, АМАПаўцаў ды іншай навалачы. Галоўнаму герою, каб зарабіць адзінкі досьведу й грошы, трэба забіваць ворагаў. Грошы патрэбны, каб набыць піва ў бары «Чэсны Ізя». Лявону неабходна піць піва, інакш ён памрэ ад страху (у гульні гэта азначаецца як «абясьпіўленьне арганізму»). У гопніцкім клюбе «Рэактар» трэба забіць дыджэя і пасьля ўсунуць у магнітафон артэфакт «Пашпарт грамадзяніна N.R.M.». Пасьля таго, як над клюбам залунае бел-чырвона-белы сьцяг, трэба забіць галоўнага ворага Беларусі Бацьку. Пасьля ягонага забойства гульня сканчаецца.
Для дасягненьня мэты патрэбны зброя, якая ў гульні прадстаўлена ад піўных бутэлек да бэнзапілы думэра, і артэфакты, аднім зь якіх зьяўляецца білет Беларускага патрыятычнага саюзу моладзі.
Крыніцы
Літаратура
- Антон Тарас. Віртуальны Менск // Наша Ніва. — 19 ліпеня 1999. — № 15 (136). — С. 12.
Вонкавыя спасылкі
- Гульня «Менск» анлайн. PlayMiniGames. Праверана 15 кастрычніка 2021 г.
- Гульня МЕНСК / 1999. Баравік. Праверана 15 кастрычніка 2021 г.
- Минск (MENSK) (рас.). Old-DOS.ru. Праверана 5 лістапада 2021 г. Архіўная копія ад 24 верасьня 2014 г.
This article uses material from the Wikipedia Беларуская (тарашкевіца) article Менск (кампутарная гульня), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.