Voegwoord: Woordsoort wat twee woorde, sinne, frases of klousules verbind
'n Voegwoord, of konjunksie, is 'n woord wat gebruik word om sinne saam te voeg.
Voorbeeld
As voorbeeld, kyk na die volgende twee sinne:
- Tania is siek.
- Sy het skool toe gekom.
'n Voegwoord is nodig om die twee sinne as een sin te skryf. Byvoorbeeld:
- Tania is siek, maar sy het skool toe gekom.
Betekenis
Voegwoorde lyk gewoonlik kort en onbeduidend, maar het 'n groot invloed op die betekenis van die sin. Vergelyk byvoorbeeld die volgende drie sinne:
- Hy nog sy hou van Hans.
- Ek en hy hou van Hans.
- Ek of hy hou van Hans.
Afrikaanse voegwoorde
Die Afrikaanse voegwoorde is:
Indeling volgens funksie
Voegwoorde kan volgens hulle funksie as volg ingedeel word:
- Tydigheid (terwyl, nadat en voordat)
- Redegewend (omdat, want).
- Beperkend (behalwe)
- Vergelykend (soos, asof)
- Disjunktief (of)
- Toegewend (hoewel, ofskoon)
- Voorwaardelik (as, indien, mits, tensy)
Gebruik van die komma
'n Komma word meestal voor 'n voegwoord wat twee sinne verbind geplaas. Die uitsondering is 'dat' en 'en'. As die voegwoord 'of' in 'n neweskikkende hoedanigheid gebruik word, verval die komma in verreweg die meeste gevalle ook.
Kyk ook
- Bywoord
- Selfstandige naamwoord
- Byvoeglike naamwoord
- Werkwoord
- Lidwoord
- Dieregeluide, werkwoorde wat die klanke van diere beskryf.
- Trappe van vergelyking
- Intensiewe
| Sien voegwoord in Wiktionary, die vrye woordeboek. |
This article uses material from the Wikipedia Afrikaans article Voegwoord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.