Sabmiller
SABMiller was die naasgrootste broumaatskappy ter wêreld (in terme van volume), voordat hy in 2016 met AB InBev saamgesmelt het.
Die maatskappy is in 2002 gevorm deur die samesmelting van South African Breweries en Miller Brewing van Amerika.
| SABMiller plc | |
| Tipe | Aandelemaatskappy |
|---|---|
| Gestig | 2002 |
| Hoofkantoor | Londen, Engeland, Verenigde Koninkryk |
| Sleutelpersone | Alan Clark (hoof uitvoerende beampte) |
| Gebied bedien | Wêreldwyd |
| Industrie | Brouery, drank |
| Inkomste | $23,213 miljard (2013) |
| Bedryfsinkomste | $4,203 miljard (2013) |
| Netto inkomste | $3,511 miljard (2013) |
| Werknemers | 70 000 (2014) |
| Dogter- maatskappye | Bavaria Brewery Foster's Group Kompania Piwowarska Miller Brewing Company South African Breweries Peroni Brewery |
| Webwerf | sabmiller.com |
Omdat brouery 'n industrie is met 'n hoë winsverhouding, het die meeste markte 'n winsgewende, dominante brouer, 'n paar minder winsgewende, sekondêre brouers en invoer van dominante brouers uit ander gebiede. Die streke waarin SABMiller oorheersend is, sluit in Afrika, Noord-Amerika en Oos-Europa. Die maatskappy se hoofkantoor was egter in Londen, waar dit 'n betreklike klein aandeel van die mark gehad het en nie enige van sy eie biere gebrou het nie. Aandele is verhandel op die Londense Effektebeurs en was deel van die "FTSE 100-indeks".
SABMiller het in Julie 2005 aangekondig dat hulle ingestem het om Bavaria S.A. te bekom. Bavaria S.A. is 'n Kolombiese brouery dominant in sy tuisland, asook Peru, Ecuador en Panama. Dit is die tweede grootste brouery in Suid-Amerika met 'n inkomste van meer as $2 miljard† in 2004. 70% van Bavaria was besit deur die Santo Domingo-familie wat hul aandeel verruil het vir nuwe aandele in SABMiller. Dié transaksie het vir hulle 'n aandeel van 15% tot 20% verseker, wat hulle die tweede grootste aandeelhouer maak. Volgens die New York Times is dié aandeel ongeveer $3.8 miljard† werd, alhoewel die bedrag op 'n dag-tot-dagbasis wissel in ooreenstemming met SABMiller se aandeelprys. SABMiller het ook 4.9 miljard† Kolombiese pesos (ongeveer $2.2 miljard†) se skuld aangeneem.
Besitreg
Die maatskappy se grootste aandeelhouer is Alteria Group, wat van tevore Miller Brewing besit het.
Handelsmerk
SABMiller se handelsmerke sluit in:
- Castle Lager
- Castle Lite
- Castle Milk Stout
- Carling Black Label
- Grolsch
- Miller Genuine Draft
- Miller High Life
- Miller Lite
- Pilsner Urquell (via brouer Plzeňský Prazdroj, a. s.)
- Birra Peroni
- Nastro Azzurro (Blue Ribbon in Italiaans)
- Redds
- Ursus
- Tyskie, Żubr en Lech – top 3 handelsmerke in Pole
- Sparks
- Steel Reserve
Bestuur
- Voorsitter: Meyer Kahn
- Hoof uitvoerende bestuurder: Ernest A. (Graham) Mackay
- Hoof finansiële bestuurder: Malcolm I. Wyman
Notas
- † Miljard = 1 000 000 000 (een duisend miljoen).
Bron
- Vertaal van die Engelse Wikipedia-artikel
Verwysings
Eksterne skakels
| Wiki Commons bevat media in verband met SABMiller plc. |
This article uses material from the Wikipedia Afrikaans article SABMiller, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.