Louis Mountbatten, 1Ste Graaf Mountbatten Van Birma
Vlootadmiraal Louis Francis Albert Victor Nicholas Mountbatten, 1ste graaf Mountbatten van Birma (gebore as prins Louis van Battenberg; 25 Junie 1900 – 27 Augustus 1979), informeel bekend as lord Mountbatten, was ’n Britse staatsman en vlootoffisier, ’n oom van prins Philip, Hertog van Edinburg, en agterkleinneef van Elizabeth II.
Hy was die laaste onderkoning van Indië (1947) en die eerste goewerneur-generaal van die Unie van Indië, waaruit die moderne Republiek Indië in 1950 sou ontstaan.
Graaf Mountbatten van Birma | |
|---|---|
 Louis Mountbatten in 1976 | |
| Gebore | Prins Louis Francis Albert Victor Nicholas van Battenberg 25 Junie 1900 |
| Sterf | 27 Augustus 1979 (op 79) Mullaghmore, Ierland |
| Nasionaliteit | Brits |
| Eggenoot | Edwina Ashley |
| Kinders | Patricia Knatchbull, 2de Gravin Mountbatten van Birma Lady Pamela Hicks |
| Ouer(s) | Prins Ludwig van Battenberg Prinses Victoria van Hesse-Darmstadt |
Hoogtepunte uit sy lewe
.jpg)
Tydens die Tweede Wêreldoorlog, in Augustus 1943, het Winston Churchill Mountbatten aangestel as bevelvoerder van die Suidoos-Asiatiese Kommandement (SEAC) met die rang admiraal. In dié tyd het sy kommandement toesig gehou oor die herowering van Birma van Japan. Op 27 Augustus 1946 het hy die titel burggraaf Mountbatten van Birma gekry en op 28 Oktober 1947 die titel graaf Mountbatten van Birma.
Op 20 Februarie 1974 is hy aangestel as onderkoning (viceroy) van Indië om toesig te hou oor die oorgang van Brits-Indië na onafhanklikheid nie later as 1948 nie. Indië en Pakistan het die nag van 14-15 Augustus 1947 onafhanklik geword en Mountbatten het vir nog 10 maande in Nieu-Delhi gebly as Indië se eerste goewerneur-generaal tot in Junie 1948.
Van 1954 tot 1959 was hy First Sea Lord, ’n pos wat 40 jaar vroeër deur sy pa beklee is. Daarna was hy hoof van die verdedigingstaf tot in 1965 – dit maak hom die langs dienende professionele hoof nog van die Britse weermag.
In 1979 is Mountbatten, sy kleinseun Nicholas en twee ander mense deur die Ierse Republikeinse Leër (IRL) vermoor met ’n bom wat hulle in Mullaghmore, Ierland, in sy vissersboot geplant het.
Verwysings
Eksterne skakels
- Herdenkingsblad vir lord Louis Mountbatten
- Wiki Afrikaans
Wiki Commons het meer media in die kategorie Louis Mountbatten, 1ste graaf Mountbatten van Birma. 
Hierdie artikel is vertaal uit die Engelse Wiki
This article uses material from the Wikipedia Afrikaans article Louis Mountbatten, 1ste graaf Mountbatten van Birma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.