Bywoord: Beskrywende woord wat meer inligting oor plek, tyd, wyse of graad verskaf

Dit verskaf meer inligting oor plek, tyd, wyse of graad. Voorbeelde van bywoorde is: hier, nou, opsetlik, en daarom.

As 'n sin meer as een bywoord bevat, is die volgorde altyd: tyd, wyse en dan plek.

Toets met die vraag "waar?". Voorbeelde:

• Dit reën orals.
• Sy loop buite.
• Sy het daarheen gestap.

Toets met die vraag "wanneer?". Voorbeelde:

• Hy sal netnou uitkom.
• Ek lees soms 'n boek.
• Hulle speel middae saam.
• Gister was Frank siek.

Toets met die vraag "hoe?". Voorbeelde:

• Hy werk sing-sing.
• Hy spring hoog.
• Die man het hard gelag.
• Sy praat al te heerlik oor die foon.
• Sy is baie oulik.

Toets met die vraag "hoeveel?". Voorbeelde:

• Hy stap uiters stadig.
• Hy het byna tien albasters.

Hierdie bywoorde bestaan uit twee ander bywoorde: 'n bywoord van plek en 'n voorsetselbywoord. Voornaamwoordelike bywoorde vervang die kombinasie voorsetsel+naamwoord:

Met hierdie pen --> hiermee

Merk op dat die voorsetsel met deur sy voorsetselbywoord mee vervang word en dat die volgorde omgekeer word. Meestal is die voorsetsel en sy bywoord dieselfde:

Agter die woord --> daaragter

• Selfstandige naamwoord
• Byvoeglike naamwoord
• Werkwoord
• Lidwoord
• Voegwoord
• Dieregeluide, werkwoorde wat die klanke van diere beskryf
• Trappe van vergelyking
• Intensiewe