Karbengan ti kopia (Ingles: copyright)
Ti linaon daytoy a panid ket annuroten iti Ilokano Wiki Ilokano. Addaan daytoy iti pannakaawat ken pammalubos iti baetan dagiti agur-urnos iti daytoy a Wikipedia ket mabigbig a kas maysa nga annuroten ken pagalagadan a masapul a suroten ken tungpalen ti amin. Malaksid iti babassit a panangbalbaliw, mabalin nga aramaten ti tungtungan a panid wenno agipablaak ditoy para iti pannakisinnarita ken panagala ti konsenso tapno mangisingasing kadagiti panagbalbaliw kadagitoy nga annuroten. |
Saanka nga agkopia kadagiti artikulo, ladladawan, wenno dadduma pay a bambanag, uray sadino man a naggapuan wenno nagtaudanna, no dimo impakada iti akinsurat, akin-gapuanan, wenno akinkukua iti karbengan ti kopia. Maisuppiat ti daytoy, kabsat. Awan koma ti agkusit wenno agmamanok ditoy gimongtayo.
Nawaya a panakaiwaras
Babaen ti GNU Lisensia iti Nawaya a Dokumentasion. Masapul a maawatam a dagiti aramidem, buklem, suratem, ken ikabil ditoy Ilokano Wikipedia ket mabalin a maiwaras ken mabalbaliwan nga awanan bayad ken responsibilidad. No dimo maawat wenno ipagelmo nga adda sabsabali a nawaya a mangaramat ken mangbalbaliw iti sinurat wenno tagikukuam, maibalakad a saanmon nga ikabkabil daytoy, wenno saanka a makisali ditoy a gandat.
Natimbang a pammati wenno awan ay-ayonanna a panirigan
Iti masasao ti Ingglés a neutral point of view. Amintayo ket addaan kabukbukodan a pammati ken panirigan iti nadumaduma a bambanag, kanigid wenno kanawan, agpangato wenno agpababa. Pangngaasitayo koma ta padasentayo ti magna iti tengnga. dagiti kinapudno, laeng. Awan ti agenda, awan ti mangaskasaba, awan ti mangkankanunong iti maymaysa a pammati wenno pamanunotan uray ania nga urit ti pampammatim. Ensiklopedia daytoy, saan a simbaan.
Kasparigan:
This article uses material from the Wikipedia Ilokano article Wiki:Pagiwanwanan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.