Sabangan: Patingga ti karayan

Ti danum manipud iti karayan ket mabalin a sumrek iti mangawat a bagi kadagiti nadumaduma a pamay-an. Ti gunay ti danum ket kangrunaan nga agdepende iti relatibo a densidad ti karayan no maiyasping iti mangawat a danum ken iti ania man nga ambiente a gunay iti mangawat a danum, kas dagiti atab, ugot wenno dagiti seiche.

No ti danum ti karayan ket napusposek ngem ti rabaw ti mangawat a danum, ti danum ti karayan ket bumatok iti baba ti rabaw iti bakkog ti pagbatokan. Ti danum ti karayan ket mabalinton a mangporma iti maysa panagayus iti sirok wenno iti maysa a panaginnayus iti rabaw iti uneg ti danaw.

No ti danum ti karayan ket nalaglag-an ngem ti mangawat a danum, a kas ganggani amin a kaso no ti nasadiwa a danum ket agayus iti naap-apgad a danum ti baybay, ti danum ti karayan ket tumpaw iti rabaw ti danaw a kas maysa panagayus iti rabaw.

Ti maikuyog pay kadagitoy a mekanismo a panagawit ti banag, ti agayus iti uneg a danum ket maiwaras pay.

Iti sabangan ti karayan, ti panagbaliw ti kasasaad ti panagayus ket mabalin a mangpataud iti karayan a mangitinnag iti ania man a sedimento nga aw-awitenna. Daytoy a panangideposito ti sedimento ket makapataud kadagiti nadumaduma a porma ti daga a kasdagiti delta, dagiti baknad, ken dagiti durudor ti darat.

• Konpluensia
• Delta ti karayan
• Estuario
• Liman