Puso: Organo para iti panagbalikuskos iti dara kadagiti sistema ti panagbalikuskos ti ayup

Daytoy ket mabirukan kadagiti amin nga ayup nga adda iti maysa a sistema ti panagbalikuskos (a mairaman amin nga bertabrata).

Dagiti kadawyan nga uni ti puso

Dagiti kadawyan nga uni ti puso a kas mangmangeg iti maysa nga Estetoskopio

---

Adda kadi dagiti problema ti panagtokar iti daytoy a papeles? Kitaen ti tulong para iti midia.

Ti termino a kardiako (a kas iti kardiolohia) a ti kaibuksilanna ket "mainaig iti puso" ken nagtaud manipud ti Griego καρδιά, kardia, para iti "puso".

Ti puso ti bertabrata ket naipangpangruna a buklen iti kardiako a piskel ken dagiti mangikapet a kulanit. Ti kardiako a piskel ket ti maysa nga inboluntario nga estriado a kulanit ti piskel a mabirukan laeng iti daytoy nga organo ken akinrebbeng para iti abilidad ti puso nga agbomba iti dara.

Ti napipia a puso ti tao, ket agpitikpitik iti 72 a pitik iti tunggal maysa a minuto, daytoy ket agpitik iti agarup a 2.5 billon a beses iti las-ud ti pakatengngaan iti 66 a tawen ti panagbiag. Daytoy ket agdagsen iti agarup a 250 aginggana iti 300 gramo (9 iti 11 oz) iti babbai ken 300 aginggana iti 350 gramo (11 iti 12 oz) iti lallaki.