58°W / 23°S 58°W / -23; -58
Ti Paraguay (Espaniol: [paɾaˈɣwai]; Guarani: Paraguái [paɾaˈɣwaj]), opisial a ti Republika ti Paraguay (Espaniol: República del Paraguay, Guarani: Tetã Paraguái), ket ti napalikmutan ti daga a pagilian idiay sentral nga Abagatan nga Amerika, bineddengan daytoy babaen ti Arhentina iti abagatan ken abagatan a laud, ti Brasil iti daya ken ti amianan a daya, ken ti Bolivia iti amianan a laud. Ti Paraguay ket mabirukan kadagiti bangkag ti Karayan Paraguay, nga agayus babaen ti tengnga ti pagilian manipud iti amianan aginggana iti abagatan. Gapu ti sentral a lokasionna idiay Abagatan nga Amerika, daytoy ket sagpaminsan a tinawtawagan a kas Corazón de América ("Puso ti Amerika").
Republika ti Paraguay | |
---|---|
Napili a pagsasao: "Paz y justicia" (Espaniol) "Kappia ken hustisia" | |
Nailian a kanta: Paraguayos, República o Muerte (Espaniol) ParParaguayo, Republika wenno Patay | |
Kapitolio ken kadakkelan a siudad | Asunción 25°16′S 57°40′W / 25.267°S 57.667°W |
Opisial a sasao | |
Grupgrupo ti etniko (2000) |
|
Nagan dagiti umili | Paraguayo, Taga-Paraguay |
Gobierno | Unitario a presidensial a batay-linteg a republika |
• Presidente | Horacio Cartes |
• Bise Presidente | Juan Afara |
Lehislatura | Kongreso |
Kamara dagiti Senador | |
Kamara dagiti Deputado | |
Wayawayamanipud iti Espania | |
• Nairangarang | 14 Mayo 1811 |
• Nabigbig | 15 Mayo 1811 |
Kalawa | |
• Dagup | 406,752 km2 (157,048 sq mi) (Maika-60) |
• Danum (%) | 2.3 |
Populasion | |
• Karkulo idi 2015 | 7,012,433 (Maika-104) |
• Densidad | 17.2/km2 (44.5/sq mi) (Maika-204) |
GDP (PPP) | Karkulo idi 2015 |
• Dagup | $61.167 bilion (Maika-100) |
• Tunggal maysa a tao | $8,716 |
GDP (nominal) | Karkulo idi 2015 |
• Dagup | $30.754 bilion (Maika-99) |
• Tunggal maysa a tao | $4,382 |
Gini (2012) | 48.2 nangato |
HDI (2013) | 0.676 kalalainganna · Maika-111 |
Kuarta | Guaraní (PYG) |
Sona ti oras | UTC–4 (PYT) |
• Kalgaw (DST) | UTC–3 (PYST) |
Pagmanehuan | kanawan |
Kodigo ti panagtawag | +595 |
Kodigo ti ISO 3166 | PY |
TLD ti internet | .py |
|
Dagiti indihenio a Guaraní ket nagtataengdan idiay Paraguay para kadagiti saan a nabibiit ngem milenio sakbay a naparukma ti teritorio babaen dagiti Espaniol idi maika-16 a siglo. Dagiti nagtataeng nga Espaniol ken dagiti mision ti Hesuita ket nangipayammoda iti Kristianidad ken Espaniol a kultura iti rehion. Ti Paraguay ket adda idi iti patingga ti ruar iti imperio a kolonia ti Espania, nga addaan laeng kadagiti bassit nga urbano a sentro ken dagiti agtataeng. Kalpasan ti wayawaya manipud iti Espania idi 1811, ti Paraguay ket tinurayan idi babaen dagiti diktador a nangisayangkat kadagiti annuroten ti pannakaisinsina ken protektionista.
Kalpasan iti didigra a Gubat ti Paraguay (1864–1870), ti pagilian ket nakapukaw iti 60 aginggana iti 70 a porsiento iti populasionna babaen ti gubat ken sakit, ken agarup a 140,000 kuadrado kilometro (54,054 sq mi) iti teritoriona iti Arhentina ken Brasil. Babaen iti maika-20 a siglo, ti Paraguay ket nagtultuloy a nagib-ibtur kadagiti nagsasaruno nga autoritariano a gobierno, ken nagbanagan iti turay ni Alfredo Stroessner, a nangidaulo iti kapautan a diktadura ti militar iti Abagatan nga Amerika manipud idi 1954 aginggana idi 1989. Isu ket naparmek iti maysa a kudeta iti militar, ken dagiti nawaya nga adu partidona a panagbubutos ket immuna a naurnos ken natengngel idi 1993. Kalpasan ti maysa a tawen, timmipon ti Paraguay iti Arhentina, Brasil ken Uruguay a nagpundar iti Mercosur, ti rehional a panagtitinulngan iti ekonomia.
Manipud idi 2009, ti populasion ti Paraguay ket nakarkulo iti agarup a 6.5 a riwriw, kaaduan ket naikonsentrado iti rehion ti abagatan a daya ti pagilian. Ti kapitolio ken kadakkelan a siudad ket ti Asunción, a ti metropolitano a lugar ket pagtaengan dagiti gangani a pagkatlo a populasion ti Paraguay. No maigiddiat kadagiti kaaduan a pagilian ti Latin nga Amerika, ti indihenio a pagsasao ken kultura ti Paraguay, ti Guaraní, ket agtultuloy a kaaduan a makaimpluensia. Kadagiti tunggal maysa a senso, dagiti agtataeng ken kaaduanda a mangibaga kaniada a kas mestiso, ken mangipaltiing daytoy kadagiti tawen a pannakiasawa kadagiti nadumaduma a grupo ti etniko. Ti Guaraní ket mabigbig a kas maysa nga opisial a pagsasao ken kakuyogna ti Espaniol, ken dagitoy dua a pagsasao ket adu a naisasao iti pagilian.
Dagiti midia a mainaig iti Paraguay iti Wiki Commons
Pakaammo ti panagbiahe idiay Paraguay manipud iti Wikivoyage (iti Ingles)
This article uses material from the Wikipedia Ilokano article Paraguay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.