Ti Katmandu (Panangibalikas a Nepali: ) ket ti kapitolio a siudad ken ti kadakkelan a munisipalidad ti Nepal.
Daytoy ket mangsangaili pay kadagiti kuartel ti Gunglo ti Abagatan nga Asia para iti Rehional a Kooperasion (SAARC). Daytoy laeng ti siudad idiay Nepal nga addaan iti administratibo a kasasaad iti Mahanagar (Metropolitano a Siudad), a kas maiyasping iti Upa-Mahanagar (Sub-Metropolitano a Siudad) wenno Nagar (Siudad). Ti Katmandu ket isu ti bugas iti kadakkelan nga urbano nga aglomerasion ti Nepal a mabirukan iti Ginget Katmandu a mangukel iti Lalitpur, Kirtipur, Madhyapur Thimi, Bhaktapur ken dagiti dadduma pay abilang dagiti babbabassit a komunidad. Ti Katmandu ket impormal pay nga ammo a kas "KTM" wenno ti "tri-city". Segun iti senso idi 2011, ti Metropolitano a Siudad ti katmandu ket addaan iti populasion iti 975,453 ken agrukod iti 49.45 km2 (19.09 sq mi).
Metropolitano A Siudad ti Katmandu KTM काठमाण्डू महानगर, यें देय् | |
---|---|
Metropolitano a Siudad | |
Pasasao: Ti legadok, Ti pasidayagko, Ti Katmanduk | |
Nagsasabtan: 27°42′N 85°20′E / 27.700°N 85.333°E 85°20′E / 27.700°N 85.333°E | |
Pagilian | Nepal |
Pagdur-asan a Rehion | Sentral |
Sone | Sona ti Bagmati |
Distrito | Katmandu |
HDI | 0.710 Nangato |
HPI | 25.8 Ababa |
Gatad ti adal | 98% Nangato |
Nabangon | 900s BC |
Gobierno | |
• Hepe nga Ehekutibo nga Opisial | Sushank Kumar Yadav |
Kalawa | |
• Dagup | 49.45 km2 (19.09 sq mi) |
Kangato | 1,400 m (4,600 ft) |
Populasion (2011) | |
• Dagup | 975,453 |
• Densidad | 20,288.8/km2 (52,548/sq mi) |
Dagiti pagsasao | |
• Lokal | Nepali, Pagsasao a Newar, Sherpa, Tamang, Gurung, Magar, Sunuwar/Kiranti, Tibetano, Nenglish |
• Opisial | Nepali |
Sona ti oras | UTC+5:45 (Pagalagadan nga Oras ti Nepal) |
Kodigo ti koreo | 44600 (GPO), 44601, 44602, 44604, 44605, 44606, 44608, 44609, 44610, 44611, 44613, 44614, 44615, 44616, 44617, 44618, 44619, 44620, 44621 |
Kodigo ti lugar | 01 |
Website | www |
Ti siudad ket adda iti kangato iti agarup a 1,400 metro (4,600 ft) iti agsukog iti malukong a Ginget Katmandu iti sentral a Nepal. Daytoy ket napalikmutan kadagiti uppat a nangruna a turod: ti Shivapuri, Phulchoki, Nagarjun, ken Chandragiri. Ti Ginget Katmandu ket parte dagiti tallo a distrito ti (Katmandu, Lalitpur, ken Bhaktapur), ket addaan iti kaaduan ti densidad iti populasion iti pagilian, ken pagtaengan ti agarup a pagkaduapulo ket dua iti populasion ti Nepal.
Iti pakasaritaan, ti Ginget ti Katmandu ken dagiti kadenna a lugar ket ammo idi a kas Nepal Mandala. Aginggana idi maika-15 a siglo, ti Bhaktapur ket isu idi ti kapitolio idi dagiti dua a sabali a kapitolio, ti Katmandu ken Lalitpur, ket nabangonda. Idi las-ud ti panawen ti Rana ken Shah, dagiti historiador Briton ket tinawtawaganda ti ginget a kas "Maitutop a Nepal". Ita nga aldaw, ti Katmandu ket saan laeng a kapitolio ti Pederal a Demokratiko a Republika ti Nepal, ngem dagiti pay kuartel ti Sona ti Bagmati ken ti Rehion ti Sentral a Panagdur-as ti Nepal.
Ti Katmandu ket ti sumrekan iti turismo idiay Nepal. Daytoy ket sentro pay ti ekonomia ti pagilian. Daytoy ket addaan iti abanse nga impraestruktura iti ania man nga urbano a lugar idiay Nepal, ken ti ekonomiana ket kaaduan iti turismo, a pakabilangan para iti 3.8% iti GDP ti Nepal idi 1995/96. Ti turismo idiay Katmandu ket bumasbassiten kalpasan dayta iti las-ud ti paset ti panawen ti riribok ti politika, ngem simmayaat metten kalpasan dayta. Idi 2013, ti Katmandu ket nairanggo idi a kas maikatlo kadagiti 10 a kasayaatan a sumaysayaat a destinasion iti luboong babaen ti TripAdvisor, ken nairanggo akas umuna idiay Asia.
Dagiti midia a mainaig iti Katmandu iti Wiki Commons
Pakaammo ti panagbiahe idiay Katmandu manipud iti Wikivoyage (iti Ingles)
This article uses material from the Wikipedia Ilokano article Katmandu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.