瑙魯

瑙魯位於西太平洋赤道以南大約42公里，係一個橢圓形嘅珊瑚島。海拔30米嘅海岸帶係瑙魯全國唯一嘅農業區。全個島有60%俾磷酸鹽覆蓋，無河，西南部有一個鹹水湖叫部亞達礁湖。瑙魯曾經係太平洋三大磷礦石生產地，因為噉，瑙魯政府響1960年代去到1970年代初曾經自誇人均收入係所有主權國之中最高嘅，但係家陣島上所有礦產已經耗盡。

交通

瑙魯國際機場係瑙魯唯一一個機場，位於西南方亞倫區嘅海岸上面，機場跑道長2,150米，依家得奧爾航空每星期兩班航班升降。

瑙魯嘅道路總長41公里，全部舖設完善，其中環島沿海公路長19公里，重有5公里嘅窄軌鐵路。

巴士係主要嘅公共交通工具，每個月有一班船去到布里斯班。

通訊

2009年以前，電話網絡係由瑙魯嘅政府架設同提供服務，但係由於財政困難，2003年底起政府再唔能夠負擔維修費。2009年年中，Digicel公司攞到許可執照，架設無線通訊網絡。

能源

瑙魯早期係用柴油發電機提供採礦所需要嘅電力，後來島上安裝咗發電設施，有43%電力係用嚟採礦。

語言

瑙魯文係瑙魯嘅官方語言，大約96%瑙魯人響屋企用，英文亦都好常用。

宗教

瑙魯人主要嘅宗教信仰係基督教，另外有大約10%嘅人口係巴哈伊信仰，所佔比例係全世界最高。有9%嘅人信佛教同2.2%嘅人係穆斯林。憲法寫到明話人民有宗教自由。

教育

瑙魯嘅識字率係96%，為6至15歲兒童提供義務強制教育同兩年嘅自願性教育（第11及12年）。南太平洋大學響瑙魯有分校。

瑙魯無每日出刊嘅新聞，但係有兩星期出版一次嘅「Mwinen Ko」。瑙魯電視台由國家經營，播澳洲同紐西蘭嘅電視節目。另外有非盈利嘅國有瑙魯電台，播BBC同ABC提供嘅節目。

 

維基同享有多媒體嘅嘢：

Nauru（類）

 

響維基新聞度有一單新聞係同呢篇文有關：
Category:Nauru

 

維基遊埠有呢篇旅遊嘅資源：Nauru

• 〈国家概况 — 中华人民共和国外交部〉 (簡體中文). 中華人民共和國外交部.
• 〈諾魯共和國 Republic of Nauru - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Nauru - United States Department of State" (英文). 美國國務院.
• 瑙魯喺中央情報局《世界概況》嘅資料 （英文）
• 〈ナウル共和国 ｜ 外務省〉 (日文). 日本外務省（日文：外務省）.
• "Nauru - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.