კოკი (ქორთ.
კუნძული) — სქირონაშ მუნაკვათა, ნამუთ ირი ჸურე გოხურგელიე ოკიანეშ, ზუღაშ, ტობაშ ვარა წყარმალუშ წყარით. კონტინენტწკჷმა მეზიმაფილო მორჩილი ზჷმაშიე. აფხვადუნა მუჭოთ ზოხოამი კოკეფი, თეშ კოკეფიშ ბუნეფი — არქიპელაგეფი.
ოკიანეეეფი დო ზუღეფს შქას გჷშმაგორუნა კონტინენტურ, გინმალი ზონაშ დო ოკიანურ კოკეფს.
კონტინენტური კოკეფი რე სამანგათ, გრენლანდია, კალიმანტანი, მადაგასკარი, ნამუეფით კონტინენტიშ წყართუდონი ძგაშ ფარგალეფს ოკიანეშ ჟიპიჯიშა ეშმულა დო კვირდი ქანეფით რენა კიდილი. კანკალე ჭიჭე კოკი პოპორნთხაფაშ აკუმულაციური ქიმინუაშ მოღალუთ ხოლო გითმიჭყაფუ.
გინმალი ზონაშ კოკეფი ჯინჯიერო ვულკანური გოჭყაფაშ რე, მინ ჸურე მარჯანიშ კოკეფი რე.
ოკიანური კოკეფი გოფაჩილიე ოკიანეშ ქვინჯიშ ფარგალეფს დო შქაოკიანური ქჷნდჷრეფს. წყარმალუს დო ტობას გჷშმაგორუნა ეკნაჸათემით დო ეროზიაშ გეშა გოჭყაფილი კოკეფს.
This article uses material from the Wikipedia მარგალური (Margaluri) article კოკი (გეოგრაფია), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.