Brunei, täuz' oficialine form — Brunein Darussalaman Valdkund (mal.: Negara Brunei Darussalam), om valdkund (sultankund), kudamb om olnu 16.
voz'sadalpäi Suvipäivlaskmpol'žes Azijas. Sen pälidn da kaikiš järedamb lidn om Bandar Seri Begavan.
Flag | Valdkundznam |
Pälidn | Bandar Seri Begavan |
Eläjiden lugu (2018) | 450,565 ristitud |
Pind | 5,765 km² |
Kel' | malain |
Valdkundan pämez' | Hassanal Bolkiah |
Päministr | hän-žo |
Religii | islam, buddizm, hristanuskond |
Valüt | brunein dollar (BND) |
Internet-domen | .bn |
Telefonkod | +673 |
Aigvö | UTC+8 |
14. voz'sadaspäi valdkund nimitadas Barunai:kš. Nece sana om sündnu sanskritan «varuṇ» (वरुण)-sanaspäi. Sil om kaks' znamoičendad: valdmeri vai mifilogine valdmeren rahkoi. «Borneo»-saren nimitusen sündund om mugoi-žo.
Valdkundan nimen täuz' oficialine form, Negara Brunei Darussalam malaikš, «Brunei om kožundan olendsija» znamoičeb.
Vn 1984 1. päiväl vilukud Brunei sai ripmatomut Sures Britanijaspäi. Sil-žo päiväl vn 1959 valdkundan Konstitucijan uz' versii tuli väghe.
Brunei sijadase Borneo-saren lodehes. Se om röunoiš Malaizijanke (röunan piduz — 481 km), Malaizijan Saravak-štatan 30-kilometrine taho jagab valdkundan territorijad kahthe polehe. Brunein lodehližed randad lainištab Kitain Suvimeri. Valdmeren randan piduz om 161 km.
Valdkundan kaikiš korktemb čokkoim om Bakit Pagon-mägi, 1850 m mail'man meren pindan päl. Pened joged langetas Kitain Suvimerhe.
Klimat om ekvatorialine neps. Kun keskmäine lämuz om +27..+28 C° vodes läbi. Paneb sadegid 3126 mm vodes, enamba redukus-vilukus (314..367 mm kus). Manrehkaidused oleldas.
Londuseližed pävarad oma kivivoi da londuseline gaz Kitain Suvimeren šel'fas; erased toižed resursad: tropižed mecad (kattas man territorijan koume nelländest), londuseline kaučuk.
Brunei om unitarine islamine absolütine monarhii. Valdkundan pämez' om sultan (mal.: Sultan dan Yang Di-Pertuan). Hän paneb viden nevondkundan ühtnijoid radsijha: Peitnevondkund, Valdištmen Jäl'gusen Nevondkund, Religiinevondkund, Ministrišt da Käskusenandai Nevondkund. Sultan om päministr, kaičendministr da rahaazjišton ministr. Ohjastuz kogoneb sultanan läheližiš heimolaižišpäi päpaloin. Vs 1967 redukun 5. päiväspäi valdkundan sultan om Hassanal Bolkiah.
Parlament, Käskusenandai Nevondkund (mal.: مجليس مشوارت نڬارا بروني vai Majlis Mesyuarat Negara Brunei) om üks'kodine. Vs 2017 vilukun 13. päiväspäi se mülütab 33 deputatad (edel oli 29), sidä kesken 13 ministrad. Sultan paneb parlamentan ühtnijoid radsijha, heiden lugu rippub sultanaspäi. Sultan voib vahvištada ičeze käskusid i jätta allekirjuteseta parlamentan käskusid.
Kacu kirjutuz: Brunein administrativiž-territorialine jagand.
Administrativiž-territorialižikš Brunei jagase 4 ümbrikoks (mal.: daera), ned alajagasoiš 38 rajonaks (mal.: mukim).
# | Ümbrik | Administrativine keskuz | Pind, km² | Ristitišt, rist. (2011) | Rahvahantiheduz, rist./km² |
---|---|---|---|---|---|
1 | Belait | Kuala Belait | 2725 | 60 744 | 22,29 |
2 | Tutong | Pekan Tutong | 1303 | 43 852 | 33,65 |
3 | Brunei da Muar | Bandar Seri Begavan | 570 | 279 924 | 491,09 |
4 | Temburong | Bangar | 1166 | 8 852 | 7,59 |
Kaik | 5765 | 393 372 | 68,23 |
Vl 2014 valdkundan eläjiden lugu oli 422 675 ristitud. Kaikiš suremb ristitišt om nügüd'.
Bruneiš elädas brunejalaižed (2016): malajalaižed — 65,7%, kitajalaižed — 10,3%, toižed rahvahad — 24,0%.
Religijan mödhe (2011): islamanuskojad — 78,8%, hristanuskojad — 8,7%, buddistad — 7,8%, toižed uskojad (sidä kesken sijaližed uskondad) — 4,7%.
Bruneiš eile lidnoid oficialižikš. Brunein järedad eländpunktad (vl 2011, surembaspäi penembha): Bandar Seri Begavan, Kuala Belait, Seria, Džerudong.
Vl 2009 Brunein päeksport oli nozoltadud londuseline gaz (53%), kivivoi (44%); toine eksport — sobad.
Brunei Vikiaitas |
Azijan valdkundad | ||
Afganistan | Araban Ühtenzoittud Emiratad (AÜE) | Armenii | Azerbaidžan1 | Bahrein | Bangladeš | Brunei | Butan | Egipt2 | Filippinad | Gruzii1 | Indii | Indonezii3 | Irak | Iran | Izrail' | Japonii | Jemen2 | Jordanii | Kambodž | Kazahstan1 | Katar | Kipr1 | Kirgizstan | Kitai | Korejan Rahvahaliž-Demokratine Tazovaldkund | Korejan Tazovaldkund | Kuveit | Laos | Livan | Malaizii | Mal'divan Sared | Mjanmar | Mongolii | Nepal | Oman | Pakistan | Päivnouzmaine Timor | Saudan Arabii | Singapur | Sirii | Šrilank | Tadžikistan | Tailand | Turkanma1 | Turkmenistan | Uzbekistan | Venäma1 | Vjetnam | ||
1 Om Evropas mugažo. 2 Om Afrikas mugažo. 3 Om Valdmerimaiš mugažo. |
This article uses material from the Wikipedia Vepsän article Brunei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.