Slovènia

 

Ła Xlovènia ła ga na superfisie de 20 273 km².

Ła xe situada inte l'Eoropa çentral, intra łe Alpe e ła penìzoła balcànega.
Ła xe bagnada a ovest da eł Mar Adriatico (Golfo de Trieste).

Idrografìa

 

I fiumi prinsipałi del paéxe i xe:

• ła Sava, che el nace anca eła inte łe Alpe Jułie e el traversa ła Slovenia par dopo confluir inte el Danubio in Servia
• ła Drava, che ła vien da l'Àustria e ła xe un afluénte del Danubio
• ła Mura, che ła vien anca eła da l'Àustria e ła xe un tributario de ła Drava
• ła Culpa (Kolpa) che ła segna part del confin co ła Croasia
• l'Ixónso (Soča), che el nase inte łe Alpe Jułie e el sfóxa inte el Mar Adriàtego in teritorio tałian

El łago pi grando el xe qûeło-ła de Cerknica (Cerkniško jezero) che el pol rivar a 38 km², sta conca ła ga ła caraterìstica di inpenirse e svodarse periodicamente a causa de ła prexensa de fiumi càrsisi e inghiotitoi inte ła tera sotostante; no'l riva mai a profondità superiori ai 3 m.
El secondo łago pi estéxo el xe qûeło łà de Bohinj (Bohinjsko jezero), ai piè del Tricorno, co na superfisie de 328 ha.
Altro łago da segnar, seben che de cee dimension, el xe el łago de Bled (Blejsko jezero). El ga na superfisie de pena 1,45 km² e el pol rivar a na profondità de 30 m.

Clima

El clima el xe submediteràneo su ła costa, alpin su łe montagne e continental co istà sìa miti che calde e fredi inverni sui altopiani e inte łe vałe a est.
Łe tenperadure mèdie łe xe de -2 °C in xenaro e de 21 °C in lujo.
Łe prezipitasion ordinarie łe xe de 800 miłìmetri inte el sud-est, 1 000 par ła costa, 1 400 miłìmetri inte ła Slovenia sentral e fin a 3 500 inte ła Alpe.

El xe stà par aprecio tenpo un popoło sensa stado e el ga fato parte de l'Austria Ongaria fino al 1919. Ła xe una de łe ex-repùblica jugoslave.
Ła ga dihiarà ła independensa intel 1991.

Divixion aministrative

Ła Xlovènia ła xe divixa in 212 comuni (občine), dei cuałi 11 i ga el status de sità (mestne občine), indicai inte ła łista co el graseto.

 

Region statisteghe

Par savèrghene de pì, vardarse ła voxe Region statisteghe de la Slovenia.

Cavedal e altre sità

Su cavedal xe Łubiana.

En Slovenia ghe xe n'importanta presensa tałiana inte ła parte istriana e ongarexe a est.
Ghe xe anca na creçienta imigrasion serba e bosniaca.

Łengue

Ła łengua ufisial ła xe el xloveno.
A livèl locale ła xe coufisial l'italian in tri comuni litoranei e l'ungherese in tri comuni del Prekmurje.

Ła moneta xe ł'eoro e fino ał 1° de genaro 2007 xera eł tałero.

Se festegia el 25 de zugno, dichiarasion de indipendensa.

•  
  sito ONUESC de łe grote de San Cansian
•  
  La Drava a Maribor
•  
  panorama de Carnio (Kranj)
•  
  Kurent, tipega mascara de carnaval de ła Xlovènia oriental