El Burkina Faso xe un paexe de l'Africa oxidental.
El se ciamaa Alto Volta, el nome vegnea da sti i fiumi Volta Nero, Bianco e Roso, che lo atraversa.
Anco’ el se ciama Burkina Faso che vol dir "el paese de i omeni integri".
Par savèrghene de pì, vardarse ła voxe Zeografia del Burkina Faso. |
El Burkina xe un paexe pianegiante, co naltitudine mèdia de 400 m.
Ghe xe tri fiumi importanti: Mouhoun, Nakambé, e Nazinon. On quarto del paexe forme el bacin del fiume Nizer.
Anca se ghe fiumi e laghi, el paexe l’è de frecuente ciapà da la seca. El toco setentrional de el paexe el fa parte de la zona arida del Sahel.
Par savèrghene de pì, vardarse ła voxe Storia del Burkina Faso. |
La zona del Burkina l’è sta abitada da omeni fin da la preistoria.
Inte el XV secolo a.C. se svilupò la civiltà del fero e de la ceramica. Varie etnie xe pasà dal Burkina.
Fonti storiche segure ghe solo dopo el XV secola de la nostra era, co el Burkina fasea parte de l’impero Songhai.
I francexi xe rivà in Burkina Faso inte el 1896 e ga taca far la guera col re de i mossi.
En tel 1904, el protetorato de l’Alto Volta fu tacà a Africa Ocidentale Francexe . La colonia se ga stacà da le altre inte el 1919.
El ga vù l’indipendenza inte el 1960. En pochi ani, ghe sta’ tri colpi de Stato.
El pi importante quel del 1983. Thomas Sankara ciapò el poder e ristruturò el governo. Sankara volea un governo che lavorase par lo svilupo de la zente. El fu copà inte el 1987 e Blaise Compaoré l’è diventà presidente de la republica.
El Burkina Faso xe na repùblega parlamentare.
El cao de Stato xe Blaise Compaoré, e el cao del governo xe Tertius Zongo.
Sirca metà de la popolasion la xe de etnia mossi. En te el nord ghe vive Tuareg, Peul e Hausa, popoli pastori e transumanti.
I musulmani xe el 50%, i cristiani 30%, e quei che segue religioni tradisionali 20%.
Lengoa oficial xe el francexe.
La majoria de la zente la laora i campi o se da a l’alevamento de le bestie. Sorgo, milio, formenton e bagigi xe prodoti par el marcà interno, el coton l’è esportà.
I Burkinabe xe famosi par i laori de scultura e de pitura.
Tanti musicisti burkinabe laora in Costa d’Avorio.
A Ouagadougu, la cavedal, ghe la bienale del cinema africano.
Controło de autorità | VIAF (EN) 140653363 · ISNI (EN) 0000 0004 0413 3505 · LCCN (EN) n84112192 · GND (DE) 4088707-8 · BNF (FR) cb11934219d (data) · BNE (ES) XX451485 (data) · NDL (EN, JA) 00568992 · WorldCat Identities (EN) n84-112192 |
---|
This article uses material from the Wikipedia Vèneto article Burkina Faso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.