Eurohpá Uniovdna
Eurohpá uniovdna, Eurohpa uniovdna dahje Eurohpalaš Uniovdna (oanádus: EU) lea politihkalaš ja ekonomalaš stáhtalihttu masa gullet 27 iehčanas ja sorjjasmeahttun eurohpalaš miellahttoriikka.
Uniovdnii sáhttá searvvat buot Eurohpá riikkat, mat devdet lahttoriikii ásahuvvon demokráhtalaš ja ekonomalaš eavttuid. Eurohpá uniovnna namma bođii atnui jagi 1993 Maastrichta soahpamuša maŋŋá. Uniovnna deháleamos doaibmaváldái gullet ee. sismárkaniid guovlu, euroguovlu, oktasaš eanadoallopolitihkka ja gávpepolitihkka.
Eurohpá uniovnna miellahttoriikkain orrot goase 450 miljovnna olbmo 4 233 255,3 njealjehaskilomehteris. Ássečoahkkisvuohta lea 105,64 ássi/km².
Eurohpá uniovnna miellahttoriikkat leat Vuolleeatnamat, Belgia, Bulgária, Spánia, Irlánda, Itália, Nuortariika, Greika, Kroatia, Kypros, Latvia, Lietuva, Luxemburg, Malta, Portugála, Polen, Frankriika, Románia, Ruoŧŧa, Duiska, Slovakia, Slovenia, Suopma, Dánmárku, Čeahkka, Ungára ja Estlánda.
Eurohpá uniovdna ii leat lihttostáhta nugo Amerihká ovttastuvvan stáhtat, daningo uniovnna miellahttoriikkat leat iehčanas ja sorjjasmeahttun stáhtat. Iige dát leat seammalágán ráđđehusaidgaskasaš organisašuvdna nugo ON, daningo miellahttoriikkat leat searvan uniovdnii vai ožžot stuorát váikkuhanválddi nugo dain livččii uniovnna haga. Eurohpá uniovnnas lea oktasaš valuhtan euro (€).
Eurohpá Uniovnna miellahttoriikkat
| Riika | Searvan | Olmmošlohku | Viidodat | Valuhta | Jienastanmearri | MEP-mearri | Almmolaš gielat |
|---|---|---|---|---|---|---|---|
 Vuolleeatnamat | 1952 | 17 082 000 | 41 543 | euro | 13 | 26 | hollánddagiella |
 Belgia | 1952 | 11 203 992 | 30 528 | euro | 12 | 21 | hollánddagiella, fránskkagiella, duiskkagiella |
 Bulgária | 2007 | 7 245 677 | 110 994 | lev | 10 | 17 | bulgáriagiella |
 Spánia | 1986 | 46 507 760 | 504 030 | euro | 27 | 54 | spánskkagiella |
 Irlánda | 1973 | 4 604 029 | 70 273 | euro | 7 | 11 | iirragiella, eaŋgalsgiella |
 Itália | 1952 | 61 152 798 | 301 338 | euro | 29 | 73 | itáliagiella |
 Nuortariika | 1995 | 8 511 000 | 83 855 | euro | 10 | 18 | duiskkagiella |
 Greika | 1981 | 10 992 783 | 131 990 | euro | 12 | 21 | greikkagiella |
 Kroatia | 2013 | 4 246 809 | 56 594 | kuna | 7 | 11 | kroatiagiella |
 Kypros | 2004 | 858 000 | 9 251 | euro | 4 | 6 | greikkagiella, durkkagiella |
 Latvia | 2004 | 2 001 468 | 64 589 | euro | 4 | 8 | latviagiella |
 Lietuva | 2004 | 2 943 472 | 65 200 | euro | 7 | 11 | lietuvagiella |
 Luxemburg | 1952 | 549 680 | 2 586,4 | euro | 4 | 6 | fránskkagiella, duiskkagiella, luxemburggagiella |
 Malta | 2004 | 425 384 | 316 | euro | 3 | 6 | maltagiella, eaŋgalsgiella |
 Polska | 2004 | 38 018 000 | 312 685 | złoty | 27 | 51 | polskkagiella |
 Portugal | 1986 | 10 427 301 | 92 390 | euro | 12 | 21 | portugálagiella |
 Frankriika | 1952 | 66 076 909 | 674 843 | euro | 29 | 74 | fránskkagiella |
 Románia | 2007 | 19 942 642 | 238 391 | leu | 14 | 32 | romániagiella |
 Ruoŧŧa | 1995 | 9 644 864 | 449 964 | ruvdno | 10 | 20 | ruoŧagiella |
 Duiska | 1952 | 80 704 691 | 357 021 | euro | 29 | 96 | duiskkagiella |
 Slovákia | 2004 | 5 400 598 | 49 035 | euro | 7 | 13 | slovákiagiella |
 Slovenia | 2004 | 2 061 085 | 20 273 | euro | 4 | 8 | slovenagiella |
 Suopma | 1995 | 5 451 270 | 338 424 | euro | 7 | 13 | suomagiella, ruoŧagiella |
 Danmárku | 1973 | 5 621 607 | 43 075 | ruvdno | 7 | 13 | dánskkagiella |
 Čeahkka | 2004 | 10 398 697 | 78 866 | ruvdno | 12 | 21 | čeahkagiella |
 Ungára | 2004 | 9 877 365 | 93 030 | forinta | 12 | 21 | ungáragiella |
 Estlánda | 2004 | 1 315 819 | 45 227 | euro | 4 | 6 | esttegiella |
Gáldut
| |||||||||
This article uses material from the Wikipedia Sámegiella article Eurohpá uniovdna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisdoalu sáhttá geavahit liseanssain CC BY-SA 4.0, jus ii boađe eará diehtu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sámegiella (DUHOCTRUNGQUOC.VN) is an independent company and has no affiliation with Wiki Foundation.