Messeche

Disambiguazzione – Ce ste cirche altri significati, 'ndruche Messeche (disambigue).

'U Messeche (nome ufficiale: Estados Unidos Mexicanos; tarandìne: Statère Aunìte Messecane) jè 'na democrazie rappresendative comboste de 31 State federale e 'nu Destritte Federale ca se iacchie jndr'à vanne meridionale de ll'Americhe Settendrionale. Seconne 'a costituziune de ôsce a die, 'a sede de le putere d'a federaziune e capitale d'ô state jè Cetate d'u Messiche, 'u cui territorie jè state designate cumme 'u Destritte Federale.

Messeche
(dettaglie) (dettaglie)
Date amministrative
Nome comblete	State Aunìte Messicane
Nome ufficiale	Estados Unidos Mexicanos
Lènghe ufficiale	Spagnole (ufficialmènde) 'Nglise e alcune lènghe indiggene, jndre alcune pajèsere
Capitale	Mexico D.F.
Politiche
Forme de governe	Repubbleche federale
Presidende	Andrés Manuel López Obrador
'Ndipendenze	dichiarazione: 15 settèmmre 1810; consumaziune 27 settèmmre 1821; celebrazione 15 settèmmre 1810 (d'a Spagne)
Trasute jndr'à l'ONU	21 novèmmre 19451
Superficie
Totale	1.972.550 km² (14º)
% de le acque	2,5%
Popolazzione
Totale	112.336.538 ab. (2010) (11º)
Denzetà	57,1 ab./km²
Nome de le javetande	messecane
Sciugrafije
Continende	Americhe settendrionale
Fuse orarie	UTC da -6 a -8
Economie
Valute	Peso messecane2
PIL (nominale)	1,548,007 milione de $ (2008) (11º)
PIL pro capite (nominale)	14,534 $ (2008) (55º)
ISU (2007)	0,854 (ìrte) (54º)
Varie
Codece ISO 3166	MX, MEX, 484
TLD	.mx
Prefisse tel.	+52
Sigle autom.	MEX
Late de guide	Destre (↓↑)
Inne nazionale	Himno Nacional Mexicano
Feste nazionale	16 settèmmre
1Jè une de le 51 State ca honne date vite a ll'ONU jndr'ô 1945.

'U Messeche jè delimitate a nord da 'u confine cu lle State Aunìte d'Americhe, a est da 'u Gurfe d'u Messeche e da 'u Mar de le Caraibe, a sud-est da Belize e Guatemale, e a ovest da ll'Oceane Pacifiche. Se spànne sus a 'na superficie de 1.972.550 km² (ad 'u quattordicesime puèste 'mbrà lle Pajèsere cchiù grannère d'u munne), e jè populate da 111.211.789 crestiáne, e stu fatte ô fàce devendà 'u cchiù populose paise de lènga spagnole. Ô spagnole convive jndr'ô Messeche cu 'nu munne de lènghe indiggene, ufficialmènde recanosciute.

Le 'nzediamènde umane jndre quiste territorie resale a cchiù de 30 000 anne fa, da quidde mumènde se sonde succedute une apprìsse a ll'otre 'nu munne de popule, sije agricolture d'a mesoameriche sije nomade. Dope 'a conguiste spagnole, 'u Messeche ha accumenzate 'a soje uerre pe' le 'ndependenze polìteche jndr'ô 1810. Cchiù nnande, pe' quase 'nu sèchele, 'u paise jè state coinvolte jndre 'na serie de uerre 'nderne e de 'nvasiune straniere ca honne avute 'na gruèsse conseguenze jndre totte le cambe d'a vite messicane. Pe' 'a maggior parte d'u XX sèchele (prengepalmènde pe' 'u prime stuezze) s'ète assistite a 'nu periode de granne crescite economeche jndr'ô condeste de 'na polìteche dominate da 'nu uneche partite polìteche.

Pe' volume de prudotte 'nderne lorde (PIL), 'u Messeche jè conziderate 'a tredicesime economije mondiale. Tuttavije 'a destribuziune d'a ricchèzze ète accussì disauguale ca jndr'ô paise se iacchiane innece de sveluppe umane ca pòtene ccu cange 'mbrà parametre paragonabbele a quidde de naziune sveluppate cumme 'a Germanie e otre cchiù vicine a quidde d'u Burundi. Pe' 'na bbuèna vanne d'u XX sèchele 'a prengepále fonde de ricchezze d'u paise jè state 'u petrolie, pure ce 'u prucesse de 'ndustrializzaziune d'u paise ha permesse le cangiaminde de ll'economije. Le casère de le fatijature a ll'estere sonde aumentate sempre de cchiù de anne n'anne, ôsce rappresendane 'u 3% d'u PIL e 'na 'mbrtande fonde de valutae estere pe' 'u paise, 'nzigne a lle provende de lle esportaziune de petrolie e d'u turisme.

'U Messeche jè 'na putènze reggionale e 'u sule paise de ll'Americhe Latine ad essere membre de ll'Organizzaziune pe' 'a Cooperazione e ô Sveluppe Economeche (OCSE) accumenzanne da 'u 1994.

Cu 'na popolazzione de 103.263.338 de crestiáne, 'u Messeche jè une de lle Naziune cchiù populate d'u munne e jè, subbète nnande ad 'u Brasile, 'u Paise cchiù populate de ll'Americhe Latine. 'U 60% d'a popolazzione jè costituite da meticce, de discennènze miste europèe (specialmènde spagnole) ed indiggene. Le Amerinde, appartenènde a varie Naziune indiggene (cumme le maya), rappresendane 'u 20% de le Messicane.

'U 19% de le crestiáne jè 'nvece e origgene europèe. Ce stè parle specialmènde de creole (de origgene spagnole), pure ce se iacchiene tagáline, frangese, tedesche, pulacche, russe e 'nglise. Cirche 4.000 tagliáne sone avènute jndr'à seconne metate de ll'Uèttecinde e ccrejèrene alcune colonie de italo-messecane angore esistende (cumme Chipilo, 'nziccate a Puebla). 'U rumanende 1% d'a popolazzione jè comboste da ebrèe, arabe, turche, cenise e giappunise.

Zone Metropolitane

'U Turisme jè une de lle resorse prengepále d'u Messeche. 'U Guverne cendrale e le singole State scommettone sembre de cchiù sus a lle resorse economeche generate da le visitande naziunale e 'ndernazionale, pure piccè le giacimènde de petrolie stonne spiccianne e jè assaje costuse ccu perfore pe' acchià quacche giacimènde cchiù profunne. State sciùvane cumme Quintana Roo vivene quase esclusivamènde d'u turisme. 'A popolazzione jè costituite da immigrande proveniènde da totte 'u Paise, e 'nu munne straniere, 'mbrà le quale, pe' esembie a Playa del Carmen, 'a comunetate cchiù numerose de tagliáne ca jàvitane jndr'ô Messeche (pe' esembie Hotel Barrio Latino, Hotel La Tortuga; Hotel Coco Rio, 'mbrà lle otre). Otre state cumme 'a Baja California, Nayarit, Oaxaca, Yucatan, e Campeche studiane 'u mudelle de Quintana Roo e se iàprene ad 'u turisme.

Turisme jndr'ô Messeche
Cancún Quintana Roo	Puebla Puebla	Chichen Itzá Yucatán	Cabo San Lucas Baja California Sur	Teotihuacán Estado de México
Guadalajara Jalisco	Acapulco Guerrero	San Miguel de Allende Guanajuato	Monte Albán Oaxaca	Ciudad de México Distrito Federal
Tijuana Baja California	Creel Chihuahua	San Cristobal de las Casas Chiapas	El Tajín Veracruz	Morelia Michoacán
Mazatlán Sinaloa	Puerto Vallarta Jalisco	San Francisco de Campeche Campeche	Riviera Maya Quintana Roo	Uxmal Yucatán

 

• Enrico Martino e Piero Tarallo, Messiche, Idealibri, Meláne, 1996 EAN: 9788870822922

• Costituziune d'u Messeche
• Uerre de 'ndependenze d'u Messeche
• Presidende d'u Messeche
• Linee de successiune ad 'u trone d'u Messeche
• Rivoluzione messecane
• Rivoluzione verde
• Peso messecane
• Vulcane d'u Messeche
• Cetate d'u Messeche
• Civiltate precolombiane

•   Uicchiquote tène citazioni de oppure sus Messeche
•   Uicchimedie Commons tène files multimediale sus Messeche

•   Uicchimedie Commons tène files multimediale sus Messeche (vulcane)

• Messeche sus a Open Directory Project (Segnala sus a DMoz 'nu collegamende ca cendre cu l'argomende "Messeche")
• Schede d'u Messeche da 'u site Viaggiare Secure - Site curate da 'u Ministere de lle Esteri e da ll'ACI
• (ES) Presidenze d'a Repubbleche d'u Messeche
• Raccolte foto sus a 'u viagge