Lènga Frangese

'U frangese (nome native français, jndr'ô IPA [fʁɑ̃sɛ]) jè 'na lènga ce appartène ad 'u gruppe de le lènghe romanze d'a famigghie de le lènghe indoeuropee.

Frangese Français
Parlate in	Frange, Bèlge, Canada,  Itaglie, Rep. Dem. d'u Congo,  Monache e Svizzere (vedi)
Reggione	Europe, Americhe, Africa, Asie, Oceanie
Locutori
Totale	223 migliune • 77 miglione • 67,8 migliune
Classifeche	7 • 14 • 16
Otre 'nformazione
Tipe	SVO - flessive - sillabbèche
Tassonomie
Filogenesi	Lènghe indoeuropee  Lènghe romanze   Lènghe galloromanze    Langue d'oïl     français
Statute ufficiale
Ufficiale in	29 pajèsere, 13 dependènze e assaje organizzaziune 'ndernazionale, vide aqquà
Regolate da	Académie française (jndr'à Frange)
Codece de classificazione
ISO 639-1	fr
ISO 639-2	fre (B) / fra (T)
ISO 639-3	fra (EN)
Glottolog	stan1290 (EN)
Linguasphere	51-AAA-i
Estratte in lènga
Dichiarazione universale dei diritti umani, art. 1 Tous les êtres humains naissent libres et égaux en dignité et en droits. Ils sont doués de raison et de conscience et doivent agir les uns envers les autres dans un esprit de fraternité.
Distribuzione sciugrafeche d'u frangise

Diffuse cumme lènga materne jndr'à Frange metropolitane e d'oltremare, Canada (prengepàlmènde jndre provinge d'u Québec e d'u Nuève Brunswick), Belge (Vallonie e Bruxelles), Svizzere (Svizzere Romanda) e Prengepàte de Monache, jè lènga ufficiale de cirche 30 state ripartiti sus a totte le condinènde (cumme eredità de le 'mbere coloniale frangise e, jndre 'na cchiù vasce mesure, belghe), oltre ca de 'nu munne de organizzaziune 'ndernazionale cumme l'ONU, 'a NATO, 'u Comitate Olìmbeche 'Ndernazionale e l'Aunione Postale Universale. Costituisce pure, 'nzieme ad 'a 'nglise e ad 'u tedesche, une de le ttrè lènghe de fatije de l'Aunione Europee.

Jndr'à Itaglie jè parlate e tutelate jndr'à Valle d'Aosta, addò tène 'nu status de coufficialità cu 'u tagliàne.

Pure ce non ge sije jndre le premisseme puèste 'mbrà le lènghe cchiù parlate d'u munne pè numere de madrelènga (cirche 78 miglione), jedde costituisce 'nvece 'a seconne pè diffusione, dope le 'nglise, pè numere de pajèsere jndre cui jè ufficiale e pè numere de condinènde jndre cui jè parlate. Le stime de le parlànde totale sonde difficele a cause d'a diffusione cchiù granne d'u frangise cumme lènga seconne ca cumme lènga materne e d'u granne pise ca onne jndr'à demografije de quèste lènga le granne territorie de l'Afriche frangòfone, jndre cui 'u scè nnanze d'a canoscenze d'u frangise jè jndre 'na costànde crescite grazzie ad 'a scolarizzaziune e pè le quale non ge sonde sembre disponibbèle statisteche precise o aggiornate. Comungue seconne le stime de l'Organizzaziune 'Ndernazionale d'a Frangòfonie, ce sonde jndr'ô munne cirche 173 miglione de "frangòfone reale", ce sonde madrelènga o crestiáne 'u cui levèlle lènguistece jè paragonabbele a quidde de 'nu madrelènga, ce stonne pure cirche 110 miglione de "frangòfone parziale", ce sonde crestiáne ca ne onne 'na canoscienze cchiù limitate, pè 'nu totale de 283 miglione. A quiste s'onne ad aggiungere, sembre seconne le stime de l'OIF, almène 400 miglione de crestiáne ca onne 'mbarate o stonne 'mbaranne 'u frangise cumme lènga straniere. 'U Ministere frangise de le estere 'nvece dichiare 119 miglione de frangòfone reale e 145 miglione de frangòfone parziale, pè 'nu totale de 263 miglione.

Ôsce a die 'u frangise jè 'a seconne lènga cchiù 'nzegnate d 'u munne dope le 'nglise, pure grazzie a 'na capillare rezze de servizie lènguisteche e culturale 'ngendrate sus a le CCF (Centres Culturels Français, dependènde da le Ambasciate) e sus a le sede de l'Alliance Française.

'A lènga frangise jè 'u resultate de le condaminaziune ca 'u latine volgare hé subbìte jndr'à Gallie romanizzate, partenne specialmènde da 'u V sèchele. Le 'nfluenze ca onne avùte da le lènghe locale preesistènde, ca èrene quèdde de le cèlte e, dope le 'nzediamènde de le germane, quèdde de le Franghe onne date origgene a le lènghe romanes (quèdde romanze) ca onne pigghiate carattere deverse a seconne de le reggione.

Une de le prime documènde ca donne 'na prove de l'evoluziune d'a lènga sonde le Sermone de Strasburgo (842) jndre le quale jè già presènde 'u nuclee de le dialètte ca n'future saranne l'origgene de le lènghe romanze. Quèste urteme se distinguone, seconne 'a lòre partecelle affermative, jndr'à lènga d'Oïl, ca carattirezzàve le reggioni a nord d'a Loira e ca chiane chiane se spannè fine a devendà 'a lènga naziunale; 'a lènga d'Oc, tipeche de le reggione a sud, ca hé sveluppate 'na proprie letterature e s'hé mandenùte jndre quacche zone.

Quanne Parigge hàve accumenzate ad affermarse accume cindre d'u potere polìteche culturale e commerciale d'a Frange, 'u Frangèche, parlate jndr'à reggione de l'Ile de France, accumènze a 'mborse sus a le otre dialètte. 'U latine rumase angore a luènghe 'a lènga d'a šcole, d'a culture accademeche e de le atte reale ufficiale, fine a quanne jndr'à prime metà d'u XVI sèchele, 'u frangise prevalse pure sus a quiste urteme. Jndre stù mode, 'u frangise jè devendate 'a lènga ufficiale d'ô State.

Cò 'u timbe 'u dialètte de Parigge accumènze ad esse canosciute jndre totte 'u territorie naziunale e fòre da le confine frangise e se arricchì sije jndr'à lle forme grammatecale ca jndr'ô lesseche pigghianne termine derivànde da le varie parlate d'u luèche oltre ca 'na granna quantità de termine felosofeche, polìteche e sciendifeche pigghiate derettamènte da 'u latine letterarie. Fu sutte 'u regne de Luigi XIV cu 'u Dictionnaire (1694) de l'Académie Française ca se affermarene l'aunità ed 'a naziunalità d'a lènga frangise. L'Illuminisme e l'Encyclopédie condrebbuìrene ad ô spannemìnde d'a lènga naziunale, mendre 'a Rivoluzione frangise hé fatte devenì cchiù spicce 'u prucesse de popolarizzaziune d'a lènga ca accumenzò ad esse 'nzegnate pure jndr'à lle scole. Verse 'a fine d'u XIX sèchele 'u frangise se affermò definitivamènde pure sus a le dialètte 'u luèche cu quacche piccele eccezziune (jè 'u case d'u provenzale).

 

Le dialètte variànde d'u frangise sonde quase totte estinde; 'mbrà le cchiù famuse, 'u piccarde o 'u vallone jndr'ô Belge.

Oltre a lòre, jndr'à lle territorie frangise le lènghe occitane e frangoprovenzale, quacche vote pè errore conziderate dò dialètte pertinènde ad 'u frangise, sonde jndr'ô 'nzieme le cchiù estese lènghe (ma jndre 'nu fortissime regresse) dope 'a lènga frangise, particolarmènde occitane o Provenzale (jndr'ô frangise Langue d'oc, espressione a l'origgene d'u termine stesse), storecamènte spannùte jndr'ô meridione, ha state pè sèchele 'na lènga letterarie assaje affermate, parlate pure da Dante Alighieri.

Otre lènghe sonde storecamènde parlate jndre alcune territorie frangise: 'u corse, de aree italoromanze, jndr'à Corsica, conziderate lènga 'ndependente da assaje parlànde (e non 'nu dialètte tagliàne), 'u bretone jndr'à reggione d'a Bretagne (lènga celtiche), 'u tedesche parlate jndr'à Alsazia e jndr'à Lorena, 'u fiamminghe, parlate jndre quacche zone d'u Nord e pè finì 'u basche (lènga isolate) ed 'u catalane (lènga romanze) jndr'à zone de le Pirenee oriendàle.

Pe approfondimende, 'ndruche le vôsce Alfabbète frangise e Funologgie d'a lènga frangise.

Le prengepàle diacriteche sonde: à â ç è é ê ë î ï ô ù û ü.

Ce stonne de le accussì ditte "consonnes muettes" ce sonde consonànde mute ca non ge se liggene jndr'à fine d'a parole. Jedde sonde le seguènde: D, P, S, T, G, X, Z e la E non accendate. Ce stè pure 'a "liaison" ca tradotte jndr'ô tagliàne segnefeche "collegamènde". Jedde jè, 'nfatte, l'aunione foneteche de dò parole. Se fàce 'a "liaison" quanne ce se iacche de nnanze a dò parole 'mbrà cui 'a prime finisce cu 'na consonànde ed 'a seconne inizie cu 'na vocale (cumme nous avons, ils admirent...).

• Sully Prudhomme (1901, Frange)
• Maurice Maeterlinck (1911, Belge)
• Romain Rolland (1915, Frange)
• Anatole France (1921, Frange)
• Henri Bergson (1927, Frange)
• Roger Martin du Gard (1937, Frange)
• André Gide (1947, Frange)
• François Mauriac (1952, Frange)
• Albert Camus (1957, Frange)
• Saint-John Perse (1960, Frange)
• Jean-Paul Sartre (1964, Frange [premie refiutate])
• Claude Simon (1985, Frange)
• Jean-Marie Gustave Le Clézio (2008, Frange)

• Académie française
• Afriche frangòfone
• Americhe frangòfone
• Alfabbète frangise
• Argot
• Funologgie d'u frangise
• Frangòfonie
• Grammateche frangise
• Letterature frangise
• Letterature frangòfone
• Français fondamental
• Frangise d'u Québec
• Frangise cajun

•   Uicchimedie Commons tène files multimediale sus Lènga frangese

•   Uicchizionarie tène il lemma di dizionario «Lènga frangese»
•   Uicchimedie Commons tène files multimediale sus Lènga frangese

• L’Académie française
• Office québécois de la langue française
• Organisation internationale de la Francophonie
• Avenir de la langue française
• Le français dans les institutions européennes
• Délégation générale à la langue française et aux langues de France
  • Rapport au Parlement sur l'emploi de la langue française
• Service de la langue française
• Lingua francese sus a Open Directory Project (Segnala sus a DMoz 'nu collegamende ca cendre cu l'argomende "Lingua francese")
• (FR) Le Point du FLE Accesso alle più utili risorse di lingua francese presenti su Internet
• (FR) Fondation Alliance française
  • (FR) Alliance française Paris Ile-de-France

Dizziunarie

• Dizziunarie bilènghe: Larousse ('nglise, spagnole, tedesche, tagliàne, arabe, cenise)
• Dizziunarie bilènghe: Garzanti (s'ha dà reggestrasse) Zanichelli Combatte
• Dizziunarie monolènghe: CNRTL, TLFi, OQLF
• Dizziunarie etimologgeche: CNRTL

Grammateche

• (FR) Le Conjugueur coniugazione de le verbe
• (EN) Frangise pè le viaggiature Pronunge, frase, collegamènde
• (FR) Le Trésor de la Langue Française informatisé
• (FR) 'Nu munne de esercizie de lènga frangise (Dr. Meul Etienne)
• Esercizie pè 'mbarà parole nuève jndr'ô frangise
• FrenchVerbConjugator.com Esercizie pè migliorà 'a pronunge frangise de le verbe

  Lènghe ufficiale de le Naziune Aunìte  

Arabe · Cenise · Frangese · 'Nglise · Russe · Spagnole