Martin Lutero (10 'e nuvembre 1483 – 18 'e frevaro 1546), Martin Luther ntedesco, fuje nu tiolego tedesco e monaco augustiniano.
'E pparlate d''e suoje, critice ncopp''a Chiesia cattoleca, scetajeno 'a riforma prutestante.
Martin Lutero nascette a Eileben (Sassonia). Studiaje int'ê ville 'e Mansfeld, Magdeburgo ed Eisenach apprimma 'e trasì int'a ll'Uneverzetà d'Erfurt. Aroppo, 'o 1505 se facette monaco, e po', 'o 1507, fuje urdinato prievete d''a Chiesia Cattoleca.
Fuje 'o 1508, c'accumminciaje a se mparà tiologgia a int'a ll'Uneverzetà 'e Wittemberg, e po' apparato turnaje a Erfurt. Pe' tramente ca ferneva 'a istruzione soja, facette nu viaggio a Romma, addò accumminciaje a s'abbelì p''a Chiesia Cattoleca ed e pratiche ca chesta pruffessava (comme p'esempio 'a vennita 'e ndurgenze). 'O 1512 se pigliaje 'o grado 'e Duttore d''a Chiesia Cattoleca.
'O 1517 pubbrecaje 'e 95 Tese d''e soje, ca predecaje int''a chiesia 'e Wittenberg, e tagliaje l'attacco 'e chesta c''e cattuolece. Chesto significaje 'a nasceta d''o prutestantesemo.
Tanno, prievete ancora p''a Chiesia Cattoleca, chesta stituzione cundannaje 'e tesi soje, e 'o scummunicaje 'o 1521. 'O 1522 traducette 'a Bibbia int'ô tedesco (fatica c'accumminciaje 'a standardizzazione 'e chesta llengua). Aroppo d''a fernì c''a Chiesia Cattoleca, se nzuraje cu Caterina 'e Bora.
This article uses material from the Wikipedia Nnapulitano article Martin Lutero, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.