ന്യൂ ഓർലിയൻസ് (/nuː ˈɔːrlᵻnz, -ˈɔːrli.ənz, -ɔːrˈliːnz/ അഥവാ /ˈnɔːrlᵻnz/; ഫ്രഞ്ച്: La Nouvelle-Orléans അമേരിക്കൻ ഐക്യനാടുകളിലെ ലൂയിസിയാന സംസ്ഥാനത്തുള്ള ഒരു പ്രധാന തുറമുഖവും ഏറ്റവും വലിയ നഗരവും മെട്രോപോളിറ്റൻ മേഖലയുമാണ്.
ഈ തുറമുഖ നഗരത്തിലെ ആകെ ജനസംഖ്യ 2010 ലെ സെൻസസ് പ്രകാരം 343,829 ആണ്. ന്യൂ ഓർലിയൻസ് മെട്രോപോളിറ്റൻ മേഖലയിലെ (ന്യൂ ഓർലിയൻസ്-മെറ്റയറി-കെന്നെർ മെട്രോപോളിറ്റൻ സ്റ്റാറ്റിസ്റ്റിക്കൽ മേഖല) ആകെ ജനസംഖ്യ 2010 ലെ സെൻസസ് പ്രകാരം 1,167,764 ആണ്. ജനസംഖ്യാടിസ്ഥാനത്തിൽ ഈ മേഖല ഐക്യനാടുകളിലെ 46 ആമത്തെ സ്ഥാനം അലങ്കരിക്കുന്നു. ന്യൂ ഓർലിയൻസ്-മെറ്റയറി-ബൊഗാലുസ് കംബൈൻഡ് സ്റ്റാറ്റിസ്റ്റിക്കൽ മേഖല, എന്ന അൽപംകൂടി വലിയ വ്യവസായ മേഖലയിലെ ജനസംഖ്യ 2010 ലെ കണക്കുകൾ പ്രകാരം 1,452,502 ആണ്.
ന്യൂ ഓർലിയൻസ്, ലൂയിസിയാന | |||
---|---|---|---|
City and Parish | |||
City of New Orleans | |||
| |||
Nickname(s): The Crescent City; The Big Easy; The City That Care Forgot; Nawlins; NOLA | |||
Location in the U.S. state of Louisiana | |||
Coordinates: 29°57′N 90°4′W / 29.950°N 90.067°W | |||
Country | United States | ||
State | Louisiana | ||
Parish | Orleans | ||
Founded | 1718 | ||
നാമഹേതു | Philippe II, Duke of Orléans (1674-1723) | ||
• Mayor | Mitch Landrieu (D) | ||
• City and Parish | 350 ച മൈ (900 ച.കി.മീ.) | ||
• ഭൂമി | 169 ച മൈ (440 ച.കി.മീ.) | ||
• ജലം | 181 ച മൈ (470 ച.കി.മീ.) | ||
• മെട്രോ | 3,755.2 ച മൈ (9,726.6 ച.കി.മീ.) | ||
ഉയരം | −6.5 to 20 അടി (−2 to 6 മീ) | ||
(2015) | |||
• City and Parish | 389,617 (US: 49th) | ||
• ജനസാന്ദ്രത | 2,274/ച മൈ (858/ച.കി.മീ.) | ||
• മെട്രോപ്രദേശം | 1,262,888 (US: 46th) | ||
Demonym(s) | New Orleanian | ||
സമയമേഖല | UTC−6 (CST) | ||
• Summer (DST) | UTC−5 (CDT) | ||
ഏരിയ കോഡ് | 504 | ||
വെബ്സൈറ്റ് | nola.gov |
ലൂയിസ് XV ൻറെ കാലത്ത് 1715 മുതൽ 1723 വരെ രാജപ്രതിനിധിയായിരുന്ന ഡ്യൂക്ക് ആഫ് ഓർലിയൻസിൻറെ ബഹുമാനാർത്ഥമാണ് ഫ്രഞ്ച് കുടിയേറ്റക്കാർ ഈ നഗരത്തിന് ന്യൂ ഓർലിയൻസ് എന്ന പേരു നൽകിയത്. യൂറോപ്യൻ സാംസ്കാരിക പാരമ്പര്യമാണ് ഈ നഗരത്തിനുള്ളത്.
ലൂയിസിയാനയുടെ തെക്കുകിഴക്കായിട്ടാണ് ന്യൂ ഓർലിയൻസ് നഗരം സ്ഥിതി ചെയ്യുന്നത്. മിസിസ്സിപ്പി നദി നഗരത്തിലൂടെ വളഞ്ഞുപുളഞ്ഞു കടന്നു പോകുന്നു. ന്യൂ ഓർലിയൻസ് നഗരവും ഓർലിയൻസ് പാരിഷു ഒരേ അതിർത്തി പങ്കിടുന്നു. നഗരത്തിനും പാരിഷിനും വടക്ക് സെൻറ് തമ്മാനി, കിഴക്ക് സെൻറ് ബർനാർഡ്, തെക്ക് പ്ലാക്വെമൈൻസ്, തെക്കും പടിഞ്ഞാറും ജഫേർസൺ എന്നീ പാരിഷുകൾ അതിരിടുന്നു. വടക്കു ദിശയിലുള്ള പൊൻറ്ചാർട്രെയിൻ തടാകം ഭാഗികമായി നഗരപരധിക്കുള്ളിൽ വരുന്നു. അതുപോലെതന്നെ ബോർഗ്നെ തടാകം നഗരത്തിനും പാരിഷിനും കിഴക്കായി നിലനിൽക്കുന്നു. കത്രീന ചുഴലിക്കൊടുങ്കാറ്റിനു മുമ്പ് ലൂയിസിയാനയിലെ ഏറ്റവും ജനസാന്ദ്രതയുള്ള പാരിഷായിരുന്നു ഓർലിയൻസ് പാരിഷ്. 2015 ലെ കണക്കുകൾ പ്രകാരം ജഫേർസൺ പാരിഷ്, ഈസ്റ്റ് ബാറ്റൺ റഗ്ഗ് പാരിഷുകൾ കഴിഞ്ഞാൽ ജനസാന്ദ്രതയിൽ ഈ പാരിഷിനു മൂന്നാം സ്ഥാനമാണുള്ളത്.
ജീൻ-ബാപ്റ്റിസ്റ്റെ ലെ മൊയ്ലെ ഡെ ബിയെൻവില്ലെ എന്ന കോളനിവൽക്കരണ വിദഗ്ദ്ധൻറെ നിർദ്ദേശപ്രകാരം, ചിറ്റിമച്ച അമേരിന്ത്യൻ വർഗ്ഗം അധിവസിച്ചിരുന്ന പ്രദേശത്ത് ലാ നൌവെല്ലെ-ഓർലിയൻസ് (ന്യൂ ഓർലിയൻസ്) ഫ്രഞ്ച് മിസിസ്സിപ്പി കമ്പനിയുടെ നേതൃത്വത്തിൽ 1718 മെയ് 7 നാണ് സ്ഥാപിക്കപ്പെട്ടു.
അക്കാലത്ത് ഫ്രഞ്ച് സാമ്രാജ്യത്തിലെ രാജപ്രതിനിധിയും ഓർലിയൻസിലെ ഡ്യൂക്കും ആയിരുന്ന ഫിലിപ്പ് II ൻറെ ബഹുമാനാർത്ഥമാണ് ഈ പേരു നൽകപ്പെട്ടത്. അദ്ദേഹത്തിൻറെ പദവി ഫ്രഞ്ച് പട്ടണമായ ഓർലിയൻസ് പട്ടണത്തിൻറെ പേരിനെ ആസ്പദമാക്കിയാണ്. 1763 ലെ പാരീസ് ഉടമ്പടി പ്രകാരം ഈ ഫ്രഞ്ച് കോളനി സ്പെയിൻ സാമ്രാജ്യത്തിന് വിട്ടുകൊടുക്കപ്പെട്ടു. അമേരിക്കൻ സ്വാതന്ത്ര്യസമരകാലത്ത് ന്യൂ ഓർലിയൻസ് തുറമുഖം വിമതർക്ക് നിയമവിരുദ്ധമായി സഹായം നൽകുന്ന പ്രധാന കേന്ദ്രമായി വർത്തിച്ചു. ഈ തുറമുഖം വഴി സൈനികോപകരണങ്ങളും ചരക്കുവിതരണവും മിസിസ്സിപ്പി നദിവരെ എത്തിച്ചിരുന്നു. 1779 ൽ സ്പാനിഷ് പട്ടാള നേതാവും കോളോണിയൽ ഭരണകർത്താവുമായിരുന്ന “ബെർനാർഡോ ഡെ ഗാൽവെസ് വൈ മാഡ്രിഡ്” വിജയകരമായി പട്ടണത്തിൽ നിന്ന് ഒരു പോർമുഖം, ബ്രിട്ടീഷുകാർക്കെതിരെ തെക്കൻ മേഖലയിൽ തുറന്നു. ന്യൂ ഓർലിയൻസ് പട്ടണം ((Spanish: Nueva Orleans) 1803 ൽ ഫ്രാൻസിനു തിരിച്ചു കൊടുക്കുന്നതുവരെ സ്പാനിഷ് നിയന്ത്രണത്തിൽത്തന്നെ തുടർന്നു.
This article uses material from the Wikipedia മലയാളം article ന്യൂ ഓർലിയൻസ് നഗരം, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.