I Botàna dia firenena ao Azia Atsimo, ao amin’ ny faritra misy an’ i Himalaya, tsy manana morontsiraka.
Ny renivohiny dia i Thimphu. Ny tanàna lehibe indrindra dia ny renivohiny. Mirefy 38 394 km2 ny velaran-taniny ary miisa 742 737 ny mponina tao aminy araka ny fanisana natao tamin' ny taona 2012. Ny faritr' ora dia +6. Atao hoe Fanjakan' i Botàna koa izy. Mamaritra azy avy ao atsimo i India ary avy ao avaratra i Sina.
Firena be tendrombohitra i Botàna, ary roa ireo tendrombohitra manana haambo mihoatra ny 7 000 m, dia i Chomo Lari (7 314 m) sy i Kula Kangri (7 554±m). Be ala koa ity firenena ity. Isan-karazany ny biby hita any, ka isan’ izany ny elefanta, ny leôparda, ny orsa (na bera), ny serfa ary ny tigra.
Ny Botany no vahoaka betsaka ao Botàna, nefa koa ny Nepaley dia betsaka ihany koa. Ny 70 %n’ ny mponina dia manaraka ny fivavahana bodista, ny fivavahana hafa dia ny hindoisma sy ny silamo. Ny fiteny jôngka no fiteny ôfisialy any.
Saika mpamboly avokoa ny mponina any Botàna. Na dia izany aza dia nanomboka mandroso ny fizahàn-tany taona vitsivitsy lasa izay. Miankin-doha amin’ i India i Botàna, indrindra amin’ ny lafiny ara-toekarena.
Firenena ao Azia:
Afganistàna - Arabia Saodita - Armenia - Azerbaijàna - Bangladesy - Bareina - Botàna - Broney - Emirata Arabo Mitambatra - Filipina - Iemena - India - Indônezia - Iràka - Iràna - Israely - Japàna - Jôrdania - Kambôdia - Katara - Kazakstàna - Kirgizistàna - Kôety - Kôrea Atsimo - Kôrea Avaratra - Laôsy - Libàna - Maldiva - Malezia - Mianmara - Môngôlia - Nepaly - Ômàna - Ozbekistàna - Pakistàna - Palestina (fanjakana) - Rosia - Sina - Singaporo - Siria - Srilanka - Tailandy - Taioàna - Tajikistàna - Torkia - Torkmenistàna - Vietnamy.
Kôntinenta eto an-tany
This article uses material from the Wikipedia Malagasy article Botàna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.