Henri Matisse: Franséische Moler a Sculpteur
Den Henri Matisse, gebuer den 31.
Dezember">31. Dezember 1869 zu Le Cateau-Cambrésis, a gestuerwen den 3. November 1954 zu Nice, war e franséische Moler a Sculpteur.
| Henri Matisse | |
|---|---|
 | |
| Gebuer | 31. Dezember 1869 Le Cateau-Cambrésis |
| Gestuerwen | 3. November 1954 Nice |
| Doudesursaach | Häerzschlag |
| Nationalitéit | Frankräich |
| Educatioun | École nationale supérieure des beaux-arts, Académie Julian |
| Aktivitéit | Moler, Sculpteur, Graveur, Zeechner, Keramiker |
| Member vun | Academia Nacional de Bellas Artes de Argentina |
 | |
De Matisse huet Droit studéiert an an enger Affekotenetude ugefaange mat schaffen. No enger Operatioun huet hie wärenddeem hie sech erholl huet seng Freed um Molen entdeckt.
Vun 1893 un huet hie beim Gustave Moreau op der École des beaux-arts zu Paräis Molerei studéiert. De Moreau huet de Matisse an aner, spéider bekannt Schüler wéi de Georges Rouault, op eng onorthodox Manéier ugehale mat Kopië vu ale Meeschteren a Skizzen aus dem deegleche Liewen hir eege Preferenzen, Stilrichtung a Begabung erauszefannen.
Mat Reesen an d'Bretagne, spéider och op d'Mëttelmier an an d'Südséi huet de Matisse sech vu senge klassesche Virbiller geléist a gouf no enger impressionistescher Phas (1896-1904) ee vun de Leader vun engem neie Stil dem Fauvismus.
De Matisse huet sech vill mat de Faarwe beschäftegt an hie steet mat senge liichtend-dekorative Biller, déi ganz staark un de Jugendstil erënneren, um Ufank vum Wiessel tëscht konkreeter an abstrakter Konscht.
E puer vu senge bekanntste Biller sinn:
- Luxe, Calme et Volupté, 1904
- Nature morte au géranium, 1910
- L'Intérieur aux aubergines, 1911
- La porte de la casbah, 1912,
- Figure décorative sur fond ornemental, 1925
- Tahiti II, 1935-1936,
- Deux jeunes filles, robe jaune, robe écossaise, 1941
- L'Asie, 1946
- Vigne, 1953
Um Spaweck
- De Matisse op der Websäit vum Centre Pompidou
| Commons: Henri Matisse – Biller, Videoen oder Audiodateien |
This article uses material from the Wikipedia Lëtzebuergesch article Henri Matisse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.