Archeologia
Le archeologia (del greco archaios, vetule o antique, e logos, scientia) es le studio del populos historic e prehistoric e lor culturas per le analyse de lor artefactos, monumentos, edificios, etc.
| Archeologia |
|---|
| instantia de: disciplina academic[*], academic major[*] |
| subclasse de: study of history[*] |
| parte de: history, heritage and archaeology[*] |
 De alto a basso: (1) Sito archeologic Monte Albán, Oaxaca, Mexico, (2) Excavationes al sito de Gran Dolina in le Sierrra de Atapuerca, Espania; (3) Venere de Willendorf. |
|
|
| Commons: Archaeology |
Le archeologia es le scientia que studia lo que se refere al artes, monumentos e objectos del antiquitate, specialmente per medio de restos o ruinas. Dunque, iste disciplina scientific es dedicate al studio del antique culturas human. Le majoritate del prime archeologos, qui applicava le origine de lor disciplina al studios del antiquarios, definiva le archeologia como le "studio systematic del restos material del vita human jam disparite"; altere archeologos accentuava aspectos psychologic-conductista e definiva le archeologia como "le reconstruction del vita del populos antique".
In alcun paises le archeologia ha essite considerate semper como un disciplina pertinente al anthropologia; durante que iste se concentrava in le studio del culturas human, le archeologia se dedicava al studio del manifestationes material de istos. De iste modo, ben que le antique generationes de archeologos studiava un antique instrumento de ceramica como un elemento chronologic que adjutarea a poner un data al cultura que esseva objecto de studio, o simplemente como un objecto con un certe valor esthetic, le anthropologos viderea le mesme objecto como un instrumento que les servirea pro comprender le pensamento, le valores e le cultura de qui lo fabricava.
Le investigation archeologic ha essite connectite fundamentalmente al etate de petra e al antiquitate; nonobstante, durante le ultime decennios le methodologia archeologic se ha applicate a eras plus recente, como le medievo o le periodo industrial. In le actualitate, le archeologos dedica occasionalmente lor attention a materiales actual, illes investiga residuos urban, con lo que nasce le si-nominate archeologia industrial.
Vide etiam
- Anthropologia
- Archeologia submarin
- Geographia
- Geologia
- Historia
- Petroglypho
Referentias
This article uses material from the Wikipedia Interlingua article Archeologia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.