Egyptowska: Stat w juhowuchodnej Africe

Stolica a najwjetše město je Kairo.

Arabska republika Egyptowska

zakładne daty:
swójske mjeno	جمهوريّة مصر العربيّة Ǧumhūriyyat Miṣr al-ʿArabiyyah Džumhúrja al-Misríja al-'Arabíja (ar.)
stolica	Kairo
přestrjeń	1.001.449 km²
wobydlerstwo	88.487.000 (2015)
hustosć	88,4 wob./km²
forma knježerstwa	republika
hłowa stata	prezident Abdel Fatah al-Sisi
šef knježerstwa	premier Moustafa Madbouly
měna	egyptowska libra
hamtska rěč	arabšćina
hymna	Biládí, Biládí, Biládí (بلادى، بلادى، بلادى)
časowe pasmo	UTC+2
njewotwisnosć	1922 wot Zjednoćeneho kralestwa
Top Level Domain	.eg
telefon	+20
Połoženje Egyptowskeje na zemi
p • d • w

Egyptowska wobsteji wot lěta 1922 jako njewotwisny stat, je pak kolebka jedneje z najstaršich wysokich kulturow čłowjestwa, na čož swětoznate pyramidy hač do dźensnišeho dopominaja. W běhu tak mjenowaneho „Arabske nalěćo“ bu dołholětny prezident Hosni Mubarak w rewoluciji powaleny.

 

Kraj mjezuje na zapadźe z Libyskej, na juhu ze Sudanom a na sewjerowuchodźe z Israelom. Na sewjeru twori pobrjóh Srjedźneho morja (arabsce البحر الأبيض المتوسط al-bahhr al-abyadd al-mutawasitt) přirodnu hranicu, na wuchodźe pobrjóh Čerwjeneho morja (arabsce البحر الأحمر al-bahhr al-ahhmar). Połkupa Sinai zwjazuje Egyptowsku z Arabskej.

Přez kraj běži z juha do sewjera Nil, najdlěša rěka na swěće, kotraž so z deltu do Srjedźneho morja wuliwa. Nimo płódneje doliny Nila wobsteji Egyptowska zwjetša z nimale njewobsydleneje pusćiny Sahara.