Andorra La Vella: Stolica Andorry
Andorra la Vella (katalansce za „stara Andorra“; španisce Andorra la Vieja, francosce Andorre-la-Vieille) je stolica a z 22.000 wobydlerjemi zdobom najwjetše město stata Andorry w Pyrenejach.
Wona je najwyše ležaca stolica w Europje a tež jedna z najmjeńšich.
| ||
| Wopon | ||
|---|---|---|
| ||
| Zakładne daty | ||
| stat |  Andorra | |
| wysokosć | 1.011 metrow n.m.hł. | |
| přestrjeń | 12 km² | |
| wobydlerstwo | 32.128 (2016) | |
| hustosć zasydlenja | 2.677,3 wob./km² | |
| webstrona | comuandorra.ad | |
 | ||
| Casa de la Vall, sydło parlamenta | ||
Město je dla andorraskich dawkowych zakonjow wažne finančne stejišćo a nimo toho tež woblubowane srjedźišćo zymskeho sporta w Pyrenejach.
Geografija
Městačko nadeńdźe so na juhozapadźe stata Andorra we wuchodnych Pyrenejach při zjednoćenju horinskeju rěčkow Valira d’Ordino (tež Valira del Nord) a Valira d’Encamp (tež Valira d’Orient), kotrejž tworitej tule rěku Valira.
Knježi měrna horinska klima z chłódnej zymu a ćopłym, suchim lěćom. Přerězne temperatury wučinja –1° C w januarje a 20° C w juliju.
Stawizny
Dokładny załoženski datum města njeje znaty, bě pak najskerje hižo w předkřesćanskej dobje. Wot lěta 1287, jako nasta přez hromadupołoženje francoskeho a katalanskeho nadknjejstwa w tutej kónčinje stat Andorra, bě Andorra la Vella jeho faktiska stolica, kotraž měješe wjace prawa hač tamne sydlišća. Městačko bě za tutón čas srjedźišćo izolowaneho feudalneho stata. Ze 16. lětstotka pochadźa Casa de la Vall, jedne z najstaršich twarjenjow w měsće a wot 1702 sydło parlamenta.
Hakle wot lěta 1993 ma Andorra swójsku wustawa, w kotrejž je mjez druhim zapisane, zo je Andorra la Vella jako sydło knježerstwa krajna stolica.
Wobydlerstwo
Domoródni Andorračenjo wučinja jenož 33 % wobydlerstwa, mjeztym zo su Španičenjo z 43 % najwjetša wobydlerska skupina. Wjetšina wobydlerjow je katolska.
Wotkaz
Commons: Andorra la Vella – Zběrka wobrazow, widejow a awdiodatajowThis article uses material from the Wikipedia Hornjoserbsce article Andorra la Vella, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.