Portegeesk
It Portegeesk is in Romaanske taal dy’t yn grutte parten fan de wrâld sprutsen wurdt.
Bygelyks yn Brazylje, Angoala en Mozambyk. De taal het likernôch 210 miljoen memmetaal sprekkers, noch ris 20 miljoen oare minsken binne de taal machtich. Mei in tal sprekkers fan 230 miljoen minsken is it Portegeesk de fjirde taal op de wrâld. De Portegeesk sprekkende lannen wurkje op it mêd fan taal gear yn de Mienskip fan Portegeesksprekkende lannen.
| Portegeesk | ||
| algemien | ||
| eigen namme | Português | |
| lânseigen yn | Portegal, Brazylje, Lúksemboarch, Angoala, Mozambyk, Sao Tomee en Prinsyp, Guinee-Bissau, Ekwatoriaal-Guinee, East-Timor, Makau, Kaapverdje en noch inkele oare lannen. | |
| tal sprekkers | 230 miljoen | |
| skrift | it Latynske alfabet | |
| taalbesibskip | ||
| taalfamylje | Yndo-Jeropeesk
| |
| dialekten | *Brazyliaansk
| |
| taalstatus | ||
| offisjele status | Portegal, Brazylje, Lúksemboarch, Angoala, Mozambyk, Sao Tomee en Prinsyp, Guinee-Bissau, Ekwatoriaal-Guinee, East-Timor, Makau, Kaapverdje, Jeropeeske Uny, Feriene Naasjes, Afrikaanske Uny en noch inkele oare lannen. | |
| taalkoades | ||
| ISO 639-1 | pt | |
| ISO 639-2 | por | |
| ISO 639-3 | por | |
De taal is in offisjele taal yn de gearwurkingsferbannen fan de Jeropeeske Uny, de Mercosul, en de Mienskip fan Portegeesksprekkende lannen.
It Portegeesk yn Brazylje wykt of fan it Portegeesk yn oare lannen, net allinnich wat útspraak en idioom betsjut, mar ek de stavering is oars. Dit komt troch in staveringsherfoarming, it saneamde Acordo Ortográfico út 1990 (letter wizige yn 1998), dy’t ôfsprutsen is yn it gearwurkingsferbân fan Portugeesksprekkende lannen. Dochs is dizze herfoarming nea oeral trochfiert, omdat net alle lannen it ferdrach ratifiseare ha.
Lannen en gebieten wêr’t Portegeesk sprutsen wurdt
As nasjonale taal
- Brazylje
- Portegal
As offisjele taal
As erkende minderheidstaal
Sûnder foarm fan erkenning
- Goa
- Daman en Diu
- Malakka
- Andorra
- Lúksemboarch
- Namybje
Wurdlist
| Portegeesk | Brazyljaansk | Italjaansk | Spaansk | (Frysk) |
|---|---|---|---|---|
| acção | ação | azione | acción | aksje |
| direcção | direção | direzione | dirección | rjochting |
| eléctrico | elétrico | elettrico | eléctrico | elektrysk |
| óptimo | ótimo | ottimo | óptimo | poerbêst, optimaal |
This article uses material from the Wikipedia Frysk article Portegeesk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.