Lohika
An lohika (Ingles: logic, gikan sa: λογική, logikḗ, 'pagkakaigwa nin rason, intelektwal, diyalektwal, argumentatibo') iyo an sistematikong pag-aadal kan mga balidong kasuguan nin imperensya, i.e.
an mga relasyon na nagtaong dalan sa pag-ako nin sarong proposisyon (an konklusyon) sa basehan nin katiripunan nin iba pang mga proposisyon (premiso). Sa mahiwas na pagtanaw, an lohika iyo an analisis asin paghiling sa mga argumento.
.svg)
Mayo nin pankagabsan na pag-uyon sa kun ano an eksaktong depinisyon o limitasyon kan lohika. Alagad, an sakop kan lohika kabali an mga:
- An klasipikasyon kan mga argumento
- An sistematikong analisis kan mga pormang lohikal
- An sistematikong pag-adal kan balidad nin mga deduktibong imperensya
- An kakusogan nin mga induktibong imperensya
- An pag-aadal nin mga salang argumento, arug kan mga fallacies
- An pag-aadal nin mga lohikal na paradoksiya
- An pag-aadal nin sintaks asin semantiko kan mga pormal na tataramon
- An pag-aadal nin mga konsepto kan kahulugan, denotasyon, asin katotoohan
Sa uusipon, an lohika iyo pangenot na pig-aadalan sa pilosopiya (poon pa kan suanoy na panahon), matematika (poon sa katahawan kan ika-19 na siglo), asin siyensyang pangkompyuter (poon sa katahawan kan ika-20 na siglo). Dae pa nahahaloy, an lohika iyo naadalan naman sa lingwistika asin sa kogintibong siyensya. Sa pankagabsan, an lohika iyo mantinido na sarong makusog na interdisplinaryong lado nin pag-aadal.
Panluwas na takod
| An Wiki Commons igwa nin medya dapit sa Lohika. |
- Lohika sa PhilPapers
- Lohika Archived 2011-04-10 at the Wayback Machine. sa Indiana Philosophy Ontology Project
- "Logic". Internet Encyclopedia of Philosophy
- "Logical calculus", Encyclopedia of Mathematics, EMS Press, 2001 [1994]
- An Outline for Verbal Logic
Toltolan
This article uses material from the Wikipedia Bikol article Lohika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.