Canadá: Estáu d'América del Norte

Les sos diez provincies y trés territorios estiéndense dende l'océanu Atlánticu al Pacíficu, y pel norte hasta l'océanu Glacial Árticu, y tienen una estensión de 9,98 millones de km², que convierten al Canadá nel segundu país más grande del mundu. La so frontera meridional colos Estaos Xuníos, amás, ye la frontera binacional más llarga del mundu. La mayoría del país tien un clima frío o mui frío n'iviernu, pero la fastera más meridional tien branos templaos. Canadá ta poco pobláu, y la mayoría'l so territoriu ta ocupáu por viesques y tundra, amás de pola cordelera de los Montes Rocosos. Ta perurbanizáu: el 82% de los sos 35,15 millones d'habitantes concéntrense en ciudaes de gran y medianu tamañu, les más d'elles cerca de la so frontera meridional. La so capital ye Ottawa, y les trés mayores aglomeraciones de población son les ciudaes de Toronto, Montreal y Vancouver.

Canadá
estáu soberanu
Bandera de Canadá escudu de Canadá
Lema nacional	A Mari Usque Ad Mare (es)
Himnu nacional	O Canada
Alministración
Nome oficial	Canada
Capital	Ottawa (dende 15 mayu 1867)
Forma de gobiernu	Monarquía constitucional Federación parllamentarismu
Monarca de Canadá (es)	Carlos III del Reinu Xuníu (dende 8 setiembre 2022)
Primer ministro de Canadá (es)	Justin Trudeau (dende 4 payares 2015)
Llingües oficiales	inglés francés
Relixón oficial	ensin valor
División	ver Ontario, Quebec, Nueva Escocia, Nueva Brunswick, Manitoba, Terranova y Llabrador, Islla Príncipe Dubardu, Saskatchewan, Alberta, Yukón, Territorios del Noroeste, Nunavut, Columbia Británica y distritu de Keewatin
Rellaciones diplomátiques	ver Estaos Xuníos Israel Suecia Colombia Ucraína (27 xineru 1992) Xunión Europea (década de 1950) Alemaña Dinamarca Filipines Ḥong Kong Corea del Sur Qatar Indonesia Uruguái Rusia Rumanía Panamá Polonia Paquistán Noruega Corea del Norte (6 febreru 2001) Nueva Zelanda Reinu de los Países Baxos Arabia Saudita Singapur Reinu Xuníu Emiratos Árabes Xuníos Turquía Suiza Xunión Soviética Mozambique Sudáfrica Namibia Malasia Marruecos Xipre Finlandia Etiopía Exiptu Italia Mongolia Australia Brasil República d'Irlanda Chequia Santa Sede República Democrática d'El Congu Kenia Francia Afganistán Arxentina Austria Armenia Arxelia Bélxica Barbados Bulgaria Burkina Fasu Brunéi Islandia Letonia Eslovenia Kazakstán Cuba España Lituania Venezuela Xamaica Granada Haití El Líbanu Taiwán Malí Méxicu Xapón Irán India Grecia República Popular China Azerbaixán Bangladex Portugal Xeorxa (23 xunetu 1992) Hungría Vietnam Tailandia Nepal
Miembru de	ver Organización de les Naciones Xuníes (9 payares 1945) Organización del Tratáu del Atlánticu Norte (4 abril 1949) Mancomunidá de Naciones (1931) Organización pa la Cooperación y el Desarrollu Económicos G8 Organización Mundial del Comerciu Conseyu Árticu G20 Foru de Cooperación Económica Asia-Pacíficu (6 payares 1989) Tratáu de Llibre Comerciu d'América del Norte Sociedá de Naciones Organización Internacional de la Francofonía Organización de los Estaos Americanos (8 xineru 1990, 1990) Organización pa la Seguridá y la Cooperación n'Europa (25 xunu 1973) Bancu Internacional de Reconstrucción y Fomentu (27 avientu 1945) Asociación Internacional de Fomentu (24 setiembre 1960) Corporación Financiera Internacional (20 xunetu 1956) Organismu Multillateral de Garantía d'Inversiones (12 abril 1988) Centru Internacional d'Arreglu de Diferencies Relatives a Inversiones (1 avientu 2013) Bancu Africanu de Desarrollu ASEAN Regional Forum (en) Bancu Asiáticu de Desarrollu (1966) Grupu d'Australia (1985) Banco de Desarrollo del Caribe (es) Tratado de Cielos Abiertos (es) Réxime de Control de la Teunoloxía de Misiles (1987) Interpol (15 ochobre 1949) Grupu d'abastecedores nucleares Organización pa la Prohibición d'Armes Químiques (29 abril 1997) AUSCANNZUKUS (en) ABCANZ Armies (en) The Technical Cooperation Program (en) Combined Communications-Electronics Board (en) Air Force Interoperability Council (en) Centro de Coordinación de Movimientos Europeos (es) Organización Hidrográfica Internacional Axencia Internacional de la Enerxía UNESCO (4 payares 1946) Grupu d'Observaciones de la Tierra Xunión Postal Universal (1 xunetu 1878) Xunión Internacional de Telecomunicaciones (1 xunetu 1908) Organización Meteorolóxica Mundial (28 xunetu 1950) Organización Mundial de la Salú Five Eyes (es) Organización Mundial d'Aduanes (12 ochobre 1971) International Holocaust Remembrance Alliance (es) (2009)
Xeografía
Coordenaes	60°N 110°W / 60°N 110°O / 60; -110
Superficie	9,984,67 km² (puestu 2)
% agua	8,62%
Costes	202.080 km
Llenda con	8.800 km
Puntu más altu	Monte Logan
Puntu más baxu	Océanu Glacial Árticu
487 m
Demografía
Población	34,834,841 hab (2014) hab. (2021)
Densidá	Error d'espresión: Pallabra "hab" non reconocida. hab/km²
Xentiliciu	canadianu canadiana
Esperanza de vida	83,62 años
IDH	0,936 (2021)
Tasa de fertilidá	1,57 (2021)
Economía
Moneda	dólar canadiense
PIB nominal	2 206 764 000 000 $ (2020)
Bancu central	Bancu de Canadá
Más información
Dominiu d'Internet	.ca y .quebec (en)
Códigu telefónicu	+1
Códigu ISO	124 / CAN / CA
Estaya horaria	Newfoundland Time Zone (en) , Tiempo del Atlántico (es) , Hora Estándar Central, Mountain Time Zone (MTZ), Tiempu del Pacíficu, Horariu del este de Norteamérica, UTC−07:00, UTC−06:00, UTC−05:00 y UTC−04:00
canada.ca

Varies poblaciones indíxenes habitaron l'actual Canadá por miles d'años primero de qu'aportaran los europeos. Los primeros d'estos foron los británicos y franceses, qu'establecieron colonies dende'l sieglu XVI; la primera foi la colonia de Canadá, fundada por Francia en 1535. Como resultáu de dellos conflictos armaos, la Norteamérica británica ganó y perdió territorios hasta que, a finales del sieglu XVIII, controlaba la mayoría del actual territoriu canadiense. El 1 de xunetu de 1867 les colonies de Canadá, Nueva Brunswick y Nueva Escocia federáronse pa formar un dominiu federal semiautónomu que recibió'l nome de Canadá. De magar entamó un proceso d'adición de territorios y provincies al dominiu hasta llegar a los actuales. Canadá algamó la independencia gradualmente, nún procesu qu'entamó col nomáu gobiernu responsable na década de 1830 y que finó cola patriación de la Constitución en 1982. Sicasí, dende 1931, cola promulgación del Estatutu de Westminster, Canadá yera un país práuticamente independiente, una y bones l'únicu poder que nun tenía yera'l de poder enmendar la so propia constitución.

Canadá ye una democracia parllamentaria federal y una monarquía constitucional, cola reina Sabela II d'Inglaterra como xefa d'estáu. El país, que ye oficialmente billingüe a nivel federal, ye, como resultáu de la inmigración a gran escala de munchos otros países, una de les naciones más multiculturales y con mayor diversidá étnica del mundu. Su economía ye la décima mayor del mundu, y básase na esplotación de los sos bayurosos recursos naturales y de la so importante actividá comercial. La llarga y complexa rellación ente Canadá y el so vecín del sur, Estaos Xuníos, tuvo a lo llargo de tola so historia un impautu importante na so economía y cultura.

Canadá ye un país desarrolláu qu'ocupa'l décimu llugar nel ránking del Índiz de Desarrollu Humanu, y la de so ye la decimoquinta renta per capita mayor del mundu. Ocupa los primeros llugares del mundu no que cinca a tresparencia gubernamental, llibertaes civiles, calidá de vida, llibertá económica y educación. Pertenez a la Commonwealth y a la Organización Internacional de la Francofonía, y tamién a bien d'instituciones internacionales ya intergubernamentales como les Naciones Xuníes, la Organización del Tratáu del Atlánticu Norte, el G-7, el Grupu de los Diez, el G20, el Tratáu de Llibre Comerciu d'América del Norte y el Foru de Cooperación Económica Asia-Pacíficu.

Canadá tien un gobiernu parllamentariu con fuertes tradiciones democrátiques. El parllamentu ye compuesto por La Corona, una Cámara de los Comunes electa pol pueblu y un Senáu designado. Cada miembru del parllamentu na Cámara de los Comunes ye escoyíu por mayoría simple nun distrito eleutoral o so equivalente. El primer ministru ye que convoca a eleiciones xenerales, las cuales deben de ser máximu cinco años dempués de la eleición anterior, o pueden ser desencadenar pol gobiernu al pidir la moción de censura nel parllamentu. El país ye una monarquía parllamentaria. El xefe d'Estáu ye la reina d'Inglaterra, representada por un gobernador-xeneral. El xefe de gobiernu ye'l primer ministru.

 

Canadá ye una federación compuesta por diez provincies y trés territorios. Les primeres tienen más autonomía que los segundos, faéndose cargu de la educación, la sanidá y el bienestar. Ente toes recauden en conxuntu más impuestos que'l propiu gobiernu federal, lo que fai del sistema canadiense un modelu singular nel mundu. Col so presupuestu el gobiernu federal puede iniciar polítiques nacionales en provincies concretes, y magar que les provincies pueden renunciar a recibir esos fondos y programes, fánelo mui de ralo en ralo. El gobiernu federal, amás, tien un fondu p'aportar dineru a les provincies más probes col envís d'igualar na midida de lo posible la cantidá y calidá de los servicios que presten toes elles a los ciudadanos.

Provincies

• Alberta
• Columbia Británica
• Ontario
• Québec
• Manitoba
• Nueva Brunswick
• Terranova y Llabrador
• Nueva Escocia
• Islla del Príncipe Dubardu

Territorios

• Territorios del Noroeste
• Nunavut
• Yukón

Ciudaes

• Edmonton
• Halifax
• Iqaluit
• Medicine Hat
• Montreal
• Moose Jaw
• Ontario
• Québec
• Toronto
• Vancouver
• Whitehorse
• Winnipeg
• Yellowknife

La población del país ye, según el censu canadiense de 2016, de 35.151.728 habitantes, lo que representa un aumentu del 5% respectu al del 2011. Ente 2011 y mayu del 2016 la población del país medró en 1,7 millones d'habitantes; dos terceres partes d'ellos yeren inmigrantes. Ente 1990 y 2008 la población medró en 5,6 millones, que representen un 20,4% del total de la so población. Los causantes d'esta medría son, en primer llugar, la inmigración, y tamién, magar qu'en menor midida, el crecimientu natural.

Canadá tien una de les mayores tases d'inmigración per capita del mundu, de resultes tantu d'una política económica consciente como de los efectos de la rexunificación familiar de los inmigrantes previamente asentaos nel país. Sicasí, esto nun ye tan problemáticu como notros países: la población del país, y tamién tolos partíos políticos más importantes, sofiten l'actual política migratoria. Un total de 341.180 persones aportaron al país en 2019, principalmente dende Asia: India, Filipines y China son los trés países de los que proceden un mayor númberu d'inmigrantes a Canadá. Los recién llegaos asiéntense principalmente nes mayores árees urbanes del país, les de Toronto, Montreal y Vancouver. Canadá tamién acepta una gran cantidá de refuxaos: más del 10% de los refuxaos que son acoyíos notros países a nivel mundial sonlo en Canadá, que recibió a más de 28.000 d'ellos en 2018.

La densidá de población de Canadá, de 3,7 habitantes per km², ye una de les menores del mundu. Canadá estiéndese latitudinalmente ente los paralelos 83 N y 41 N, y alredor del 95% de los sos habitantes viven al sur del paralelu 55 N. Cuatru quintos de la so población, amás, viven a 150 km o menos de la llende del país colos Estaos Xuníos. La fastera más densamente poblada del país yel Corredor Québec-Windsor: estiéndese pola fastera meridional de les provincies de Québec y Ontario a la vera de los Grandes Llagos y el ríu San Llorienzu, y nelli vive casi la metá de la población total del país. Otru 30% vive na rexón de Lower Mainland, na Columbia Británica, y nel Corredor Calgary-Edmonton, na provincia d'Alberta.

•   Wiki Commons tien conteníu multimedia tocante a Canadá.