Bhoetan
Bhoetan (Dzongkha: འབྲུག་ཡུལ་, Druk Yul), amptelik die Koninkryk Bhoetan (འབྲུག་རྒྱལ་ཁབ་, Druk Gyal Khap), is 'n landingeslote land in Suid-Asië.
Dit is landgebonde tussen die Volksrepubliek China in die noorde en Indië in die suide, met die Himalaja in die weste en word deur die Indiese deelstaat Sikkim van Nepal geskei. Die land is 'n demokratiese grondwetlike monargie, nadat die vorige koning, Jigme Singye Wangchuck, in 2005 bekend gemaak het dat die land van 'n absolute monargie gaan oorskakel. Die eerste verkiesing is in 2008 gehou. Bhoetan beslaan 'n oppervlakte van 38 394 km² en het 'n bevolking van 727 145 in 2022 gehad.
| |||||
| Volkslied: Druk tsendhen (Dzongkha vir: "Die Donderdraak Koninkryk") | |||||
.svg) | |||||
| Hoofstad | Thimphu | ||||
| Grootste stad | Thimphu | ||||
| Amptelike tale | Dzongkha | ||||
| Regering | Unitêre parlementêre grondwetlike monargie Jigme Khesar Namgyel Wangchuck Tshering Tobgay | ||||
| Onafhanklikheid Vorming • Unifikasie van Bhoetan • Desi-administrasie • Wangchuck-dinastie • Indo-Bhoetan-Verdrag • Grondwetlike monargie | 1616–1634 1650–1905 17 Desember 1907 8 Augustus 1949 18 Julie 2008 | ||||
| Oppervlakte - Totaal - Water (%) | 38 394 km2 (133ste) 14 824 myl2 1,1 | ||||
| Bevolking - 2021-skatting - 2022-sensus - Digtheid | 777 486 (165ste) 727 145 19,3 / km2 (162ste) 50,0 / myl2 | ||||
| BBP (KKP) - Totaal - Per capita | 2024-skatting $11,558 miljard (166ste) | ||||
| BBP (nominaal) - Totaal - Per capita | 2024-skatting $2,860 miljard (178ste) | ||||
| MOI (2021) |  0,666 (127ste) – medium | ||||
| Gini (2022) | 28,5 – laag | ||||
| Geldeenheid | Ngultruma (BTN) | ||||
| Tydsone - Somertyd | BTT (UTC+06:00) nie toegepas nie (UTC+06:00) | ||||
| Internet-TLD | .bt | ||||
| Skakelkode | +975 | ||||
| a. Die Indiese roepee is ook 'n wettige betaalmiddel. | |||||
Bhoetan is na 'n burgeroorlog in die 19de eeu onder die Wangchuck-dinastie verenig en het politieke bande met die Britse Ryk gevestig. Bhoetan is nooit deur Brits-Indië beheer nie en het as 'n bufferstaat tussen die Britse besetting in die suide en die Chinese Keiserryk in die noorde gedien, saam met die onafhanklike Himalaja-koninkryke Sikkim en Nepal verder wes. Die land se hoofstad en grootste stad is Thimphu. In 1988 is Dzongkha as amptelike landstaal verklaar. Die grootste persentasie van die bevolking is Boeddhiste met ongeveer 25% Hindoes.
Bhoetan beskik oor vrugbare valleie en grasvlaktes. Die klimaat in die suide is tropies terwyl die noorde bergagtig en koud is. Die meeste inwoners van die land boer met beeste of jakke (Engels: yaks). Die land is van landbou, bosbou, toerisme afhanklik en die verkoop hidroëlektriese krag aan Indië.
Bhoetan is ook bekend vir die ontwikkeling van die konsep bruto nasionale geluk (BNG). Boogskiet word as die land se nasionale sportsoort beskou, terwyl krieket in onlangse jare ook sterk groei ervaar het, veral weens die gewildheid daarvan op die Indiese subkontinent.
Nasionale simbole
-
Die takin is Bhoetan se nasionale dier -
Die raaf is Bhoetan se nasionale voël -
Die Bhoetaanse sipres (Cupressus cashmeriana) is Bhoetan se nasionale boom -
Die meconopsis is Bhoetan se nasionale blom
.jpg)
Verwysings
Bronnelys
- Algemeen
- (en) "Bhutan". Encyclopædia Britannica. Besoek op 2 Februarie 2024.
- (en) "Bhutan". Central Intelligence Agency. Besoek op 2 Februarie 2024.
Eksterne skakels
- Wiki Afrikaans
Wiki Commons het meer media in die kategorie Bhoetan. - (en) Toerisme-inligting oor Bhoetan op Wikivoyage
This article uses material from the Wikipedia Afrikaans article Bhoetan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.