Bayer 04 Leverkusen
Bayer 04 Leverkusen is 'n Duitse sportklub uit die stad Leverkusen in die deelstaat Noordryn-Wesfale, waarvan veral die sokkerafdeling bekend is.
Die klub het ook afdelings vir onder meer handbal, vlugbal en basketbal. Die klub se tuisveld, die Ulrich-Haberland-stadion, staan sedert 1999 as die BayArena bekend.
| Bayer 04 Leverkusen | |||||||||||||||||||||||||||||||||
 | |||||||||||||||||||||||||||||||||
| Volle naam | Bayer 04 Leverkusen Fußball GmbH | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Werkself | ||||||||||||||||||||||||||||||||
| Stigting | 1 Julie 1904 as TSV Bayer 04Leverkusen e.V. 1 April 1999 (Fußball GmbH) | ||||||||||||||||||||||||||||||||
| Tuisveld | BayArena, Leverkusen | ||||||||||||||||||||||||||||||||
| Kapasiteit | 30 210 | ||||||||||||||||||||||||||||||||
| Voorsitter |  Fernando Carro (voorsitter) Simon Rolfes (sport) | ||||||||||||||||||||||||||||||||
| Afrigter | Xabi Alonso | ||||||||||||||||||||||||||||||||
| Kaptein | Lukáš Hrádecký | ||||||||||||||||||||||||||||||||
| Liga | Bundesliga | ||||||||||||||||||||||||||||||||
| 2023/24 | 1. posisie | ||||||||||||||||||||||||||||||||
| |||||||||||||||||||||||||||||||||
Die klub is op 1 Julie 1904 gestig as die Turn- und Sportverein Bayer 04 Leverkusen e. V., 'n sportklub vir die werknemers van die maatskappy Bayer AG (destyds nog bekend as Friedrich Bayer & Kie). Op 31 Mei 1907 is die sokkerafdeling gestig en op 8 Junie 1928 het die sokkerafdeling (saam met van die ander afdelings) onafhanklik geword as die Sportvereinigung Bayer 04 Leverkusen. Die gimnastiekafdeling het egter voortgegaan as TuS Bayer 04 Leverkusen. Die twee afdelings het eers weer in 1984 saamgesmelt en die huidige klub gevorm.
Die klub het die eerste keer in 1951 op die hoogste vlak meegeding toe die Oberliga Wes gehaal is. Met die stigting van die Bundesliga het die klub egter op die tweede vlak meegeding en die Bundesliga is eers in 1979 vir die eerste keer gehaal.
Leverkusen se eerste groot sukses is in 1988 behaal met die verowering van die UEFA-beker deur Espanyol in die eindstryd met strafskoppe te verslaan. Nog 'n hoogtepunt was die verowering van die DFB-Pokal in 1993. In die Bundesliga was die klub veral in die laaste jare redelik suksesvol gewees met vyf tweede plekke. In 2024 kon die klub sy belangrikste sukses behaal en vir die eerste keer die Bundesliga wen, waarmee hulle as Duitse sokkerkampioen gekroon is.
Erelys
Duitse sokkerkampioen (1)
- 2023/24
DFB-Pokal (1)
- 1993
UEFA-beker (1)
- 1988
UEFA kampioeneliga-finalis:
- 2002 (verloor met 1–2 teen Real Madrid)
Onlangse ligaposisionering
|
|
|
Eksterne skakels
| Wiki Commons bevat media in verband met Bayer 04 Leverkusen. |
| Bundesliga 2018/19-seisoen | |
|---|---|
| TSG 1899 Hoffenheim - FC Augsburg - Bayer 04 Leverkusen - FC Bayern München - BV Borussia Dortmund - RB Leipzig - Eintracht Frankfurt - Hannover 96 - SC Freiburg - Hertha BSC - Fortuna Düsseldorf - FSV Mainz 05 - VfL Borussia Mönchengladbach - 1. FC Neurenberg - FC Schalke 04 - VfB Stuttgart - SV Werder Bremen - VfL Wolfsburg | |
This article uses material from the Wikipedia Afrikaans article Bayer 04 Leverkusen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.