Sars-Cov-2

Illo essava initialmente cognoscite como nove coronavirus-19 (abbreviate: 2019-nCoV) per le Organisation Mundial del Sanitate.

SARS-CoV-2
Transmission electron micrographia colorisate de SARS-CoV-2 virions con lor "corona" de spicas visibile.
Classification scientific
Dominio: Riboviria Regno: Orthornavirae Phylo: Pisuviricota Classe: Pisoniviricetes Ordine: Nidovirales Subordine: Cornidovirineae Familia: Coronaviridae Subfamilia: Orthocoronavirinae Genere: Betacoronavirus Subgenere: Sarbecovirus Species: SARSr-CoV Severe acute respiratory syndrome-related coronavirus

Le virus lanceava le pandemia de coronavirus 2019-2020. Le prime casos suspectate esseva reportate per le OMS le 31 de decembre 2019. Plure casos del nove coronavirus esseva vinculate al mercato de alimentos marin de Wuhan, in China. Le virus poterea venir ex animales appestate in le mercato, ma il non es ancora certe que iste loco es le fonte del epidemia.

Le material genetic de iste nove coronavirus monstra similaritates con le SARS-CoV (79.5%) e altere cippos de coronavirus de vespertilion (96%). Hoc significa que le virus pote haber primo venite ex vespertiliones.

Le scientistas faceva varie experimentos que monstrava que le virus forsan vadeva ex vespertiliones ad hospites intermedie, significante que altere animales hospitante existe inter le vespertilion e le human.

A mesura que la pandemia progressa, le virus evolua pro se adaptar al immunisation del population e de nove variantes appare con mutations genetic que permitte le evasion antigenic (en) (escappamento al anticorpores del responsa immunitari). Iste mutations concerna principalmente le dominio de ligamine al receptor sur le qual le anticorpores se fixa.

Depost la apparition del duo cippos original (A & B) al fin de 2019 a Wuhan, le principal variantes responsabile de ondas de contamination es le siquente:

• Alpha (B.1.1.7), apparite in octobre 2020 al Regno Unite;
• Beta (B.1.351), apparite le 18 decembre 2020 in Africa del Sud;
• Gamma (P.1), apparite le 6 januario 2021 in Japan de personas originari del Brasil; P1 e P.2 deriva de B.1.1.28 que harea circulate al Brasil depois februario 2020;
• Delta (B.1.617.2), derivante del B.1.617 apparite le 5 octobre 2020 in India;
• Omicron (B.1.1.529), discoprite in Africa del Sud in novembre 2021 con circa trenta mutations sul proteina spiculari (en); del 3 formas BA.1, BA.2 e BA.3, BA.2 es le plus frequente. Le coronavirus continua su evolution in le familia del subvariantes Omicron:
  • BA.4/BA.5, classate preoccupante le 17 maio 2022, es responsabile del unda epidemic del primavera-estate 2022 in Europa; le subvariantes BA.2.75, BA.5.3.1 e BF.7 prolonga le contaminations;
  • BQ.1.1 (B.1.1.529.5.3.1.1.1.1.1.1) associate con disordines gatrointestinal (Nigeria 07-2022);
  • XBB.1.5 'Kraken', es un variante recombinante (XBB = BJ.1 x BA.2.75) discoperite al SUA in octobre 2022;
  • XBB.1.9 'Hyperion';
  • XBB.1.16 'Arcturus', sub vigilantia al primavera 2023;
  • XBB.2.3 'Acrux';
  • EG.5.1 (=XBB.1.9.2.5.1) 'Eris', emergente in augusto 2023 (del 'Hyperion' clan).
  • YN.1 (=BA.2.86.1.1, septembre 2023), subvariante de Pirola (BA.2.86, sub surveliantia depost augusto 2023). Iste ultime se characterisa per eruptiones cutanee (principalmente sul facie e axillas) e irritation ocular, ultra digestive symptomas.
  • XDK, sub surveliantia in Francia in martio 2024, un recombinante JN1 x XBB.1.16.