Populo

Le branca del scientia que se occupa del phenomeno de populos, specialmente como ethnicitate, es le ethnologia.

Populo
subclasse de: gruppo social[*], group of humans[*]

Le parola populo pote significar "habitantes de un certe pais", per exemplo "le populo belge". In ille caso, le parola es plus o minus un synonymo de "citatanos".

Un populo pote tamben esser un gruppo distincte de personas qui percipe un affinitate e unitate mutue a base de un o plus characteristicas commun. Utilisante iste definition on pote dicer que le population belge consiste de tres populos (appellate etiam nationes): flamingos, wallones e belgo-germanos (belgos germanophone). Sovente il es le lingua que se considera como le characteristica principal de un populo.

Sed alcun populos se basa principalmente super lor union religiose. Le exemplo le plus ben cognite es le populo judee: solmente le medietate del judeos habita in le stato de Israel, lontan de totes parla hebreo, yiddish o ladino e a causa del Disapora illes pertine a omne racias human.

Il ha altere exceptiones. Le irlandeses ha generalmente adoptate le lingua anglese, sed nulle irlandese se considerarea como anglese. Le flamingos e nederlandeses parla le mesme lingua (nederlandese), sed es duo populos distincte. In addition le criterio de lingua es vage: in Nederlandia se considera per exemplo le limburgese como lingua regional, sed non omnes es de accordo que le parlatores de illo poterea ergo considerar se como populo distincte.

___

Iste articulo in forma parlate

Discargar · A proposito de iste file · Altere articulos parlate · Adjuta · On ha create iste file audio de un revision datate le 15 de decembre 2006; ille non reflecte subsequente modificationes al articulo.