Le Niger es un pais in Africa occidental que include partes del Sahel e del Sahara.
Illo avicina Nigeria (un altere pais a non confunder con le Niger), Benin, Burkina Faso, Mali, Algeria, Libya e Tchad. Le pais, que tira su nomine del fluvio Niger, es un terra de contacto inter le Africa sub-saharan e le Africa del Nord. Su population multiethnic parla circa octo «linguas national»; verso le medietate parla hausa, secute per parlatores del zarma, tuareg, fulfulde e kanuri. Le majoritate es de confession musulman. Le population cresce rapidemente (2,92% pro anno) e es relativemente juvene; le rata de fecunditate de feminas nigerien (7,46 infantes pro femina) es un del plus alte del mundo. Le Niger es pauc urbanisate; 83% del populo vive in milieux rural. Un ancian colonia francese, le Niger ha le francese como lingua official. Depois independentia in 1960, le pais es un republica pauc stabile; il ha essite colpos de stato in 1974, 1996, 1999, 2009 e 2010. Le Niger es organisate in 35 departamentos, aggruppate in 7 regiones plus le communitate urban del capital national, Niamey.
Niger | |||
| |||
Hymno: La Nigérienne | |||
Nomine native | Nijar | ||
---|---|---|---|
Classe | republica, stato soveran[*], pais sin accesso al mar[*], pais | ||
Pais | Niger | ||
Capital | Niamey | ||
Population | 21 477 348 | ||
Area | 1 267 000 km² | ||
Coordinatas | 17°N, 10°E | ||
Linguas official | francese | ||
Fuso horari | UTC+01:00, Africa/Niamey[*] | ||
Codice telephonic | +227 | ||
Valuta | West African CFA franc[*] | ||
Dominio de Internet | .ne[*] | ||
ISO 3166-1 alpha-2 | NE | ||
ISO 3166-1 alpha-3 | NER | ||
ISO 3166-1 numeric | 562 | ||
Codice IOC | NIG | ||
Geonames ID | 2440476 | ||
Sito web: http://www.presidence.ne | |||
Wiki Commons Category Niger |
Malgrado del ricchessas de su territorio, le majoritate del population es multo paupere. Le Niger es al grado de 167 inter 169 paises secundo le Indice de Disveloppamento Human (IDH). Le plus importante ressources natural del Niger son auro, ferro, carbon, uranium e petroleo. Le pais contine duo sitos del Patrimonio Mundial del UNESCO: un parte del Parco national del W del Niger (le altere partes son in Benin e Burkina Faso) in ration de su ecosystema fluvial; e le Reservas natural del Aïr e del Ténéré, situate in le Sahara e designate como un sito in periculo depois 1992.
This article uses material from the Wikipedia Interlingua article Niger, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.