Marilyn Monroe

Marilyn Monroe
Sexo	feminin
Nascentia	1926-06-01 (Los Angeles)
Decesso	1962-08-04, 1962-08-05 (Brentwood)
Causa de decesso	barbiturate overdose[*]
Loco de reposo	Westwood Village Memorial Park Cemetery[*]
Citatania	Statos Unite de America
Educate in	University High School[*], University of California, Los Angeles[*], Van Nuys High School[*], Actors Studio[*]
Occupation	actor de film[*], modello[*], productor de cinema[*], cantator[*], autobiographo[*], Playboy Playmate[*], fashion model[*], actor[*]
Obras notabile	Gentlemen Prefer Blondes[*], The Seven Year Itch[*], The Prince and the Showgirl[*], Some Like It Hot[*], The Misfits[*]
Religion	Jewish atheism[*], Christianismo
Conjuge	James Dougherty[*], Joe DiMaggio[*], Arthur Miller[*]
Parentes	matre Gladys Monroe[*] patre Charles Stanley Gifford[*]
Fratres/sorores	Berniece Baker Miracle[*]
Premios	Golden Globe Award for Best Actress – Motion Picture Musical or Comedy[*], David di Donatello[*], Targa d'Oro[*], Henrietta Award[*], star on Hollywood Walk of Fame[*], Golden Globe Awards[*]
Lingua	anglese
Signatura
Sito	https://marilynmonroe.com
Identificatores
ISNI	0000000368639110, 0000000121251384
VIAF	27069077
IMDB	nm0000054
Commons	Marilyn Monroe

Post passar le majoritate de su infantia in orphanatos, Monroe initiava un carriera como modello, que resultava in un contracto de film in 1946. Su prime rolos era minor; in 1949 le creditos del ultime film del Marx Brothers, Love Happy, includeva le parolas "Introducente Marilyn Monroe". Su representationes in The Asphalt Jungle e All About Eve (ambes de 1950) esseva ben recipite; como su carriera se meliorava, illa deveniva cognoscite como symbolo sexual. Illa esseva laudate pro su habilitate comic in films como Gentlemen Prefer Blondes, How to Marry a Millionaire, e The Seven Year Itch, e illa deveniva un del plus popular actrices in Hollywood.

Le conception de su personage como un "blonda stupide" limitava su carriera, ergo illa lo extendeva. Illa studiava in Actors Studio e formava Marilyn Monroe Productions. Su representation dramatic in Bus Stop per William Inge esseva laudate per criticos, e illa ganiava un Premio Golden Globe pro su representation in Some Like It Hot.

Le publico es tanto interessate de su vita excitante ma tragic, su connexiones con multe personas famose, e su imagine como un femina specialmente desirabile sexualmente.

Le historia de Marilyn Monroe comencia le prime die de junio, 1926, quando illa nasceva in Los Angeles, California. In su infantia, illa viveva in le San Fernando Valley de Los Angeles, multo proxime a Hollywood. Su vita infantil esseva como un incubo. Illa viveva con un varietate de familias que illa non cognosceva, e que alicun vices la tractava mal.

Su matre, Gladys Baker, habeva problemas psychiatric. Frequentemente illa debeva esser tractate in un hospital pro patientes con maladias psychologic.

Pro escappar del circumstantias de su vita, illa vadeva a theatros de cinema. Post vider un film, illa imitava lo que faceva multes del actores de iste films. Illa narrava le detalios de iste parte de su vita a un amico, Ted Jordan, qui plus tarde scribeva un libro sur su vita.

Discoperta de un modello

 

In 1942, al etate de dece-sex annos, illa se maritava con un marinero, James Dougherty. Ille esseva inviate al oceano pacific (como parte del Secunde Guerra Mundial) e ganiava un empleo con Radioplane Company, que creava aviones sin equipage conducite per radios. Isto es ubi illa esseva discoperite, per le photographo militar David Conover, qui recommendava que illa jungerea a un compania de modellos.

Illa terminava su matrimonio con Dougherty in 1946. Illa tunc cambiava le color de su capillos de brun a blonde. Illa anque cambiava su nomine a Marillyn Monroe.

Prime films

Illa voleva devenir un actrice, e eventualmente illa habeva successo con iste ambition. Al etate de dece-septe annos, Marilyn poteva ingagiar le servicios de un agente qui persuadeva Twentieth Century Fox a includer la in alicun del films que illo produceva.

In le annos inter 1950 e 1963, pro multe americanos le sex esseva un tabu absolute, e multes condemnava personas qui esseva specialmente attractive sexualmente. Marilyn Monroe comenciava su carriera in iste atmosphera puritan. Como diceva un vice un critico del cinema, le corpore de Marilyn Monroe habeva curvas perfecte in omne le locos necesse pro un femina sexy del epocha. Quando illa se promenava, illa moveva su corpore con un erotismo que inspirava sentimentos de multe admiration inter multes e de odio inter americanos puritan qui timeva o odiava le sexo. Su voce anque esseva como le voces del sirenas qui seduceva Jason e su Argonautas.

Un pauco como Michael Jackson, Marilyn usava le servicios de un chirurgo plastic pro modificar su apparentia. Illa cambiava un pauco le forma de su naso e dava a su oculos un apparentia plus grande. Ben que illa faceva multo pro cambiar su apparentia physic, illa non travaliava multo pro disveloppar su capacitates como actrice, e su effortios non placeva a alicun functionarios in Twentieth Century Fox, qui la dimitteva post le prime film que illa faceva pro ille studio.

Ma Marilyn continuava a persequer su ambitiones pro devenir un actrice, e illa tunc appareva in un film con le titulo Ladies of the Chorus. Illa cantava duo cantos in iste film. Plure criticos admirava su talento, ma le compania Columbia la dimitteva.

Marilyn continuava su lucta. Illa tunc appareva in un film con le titulo Love Happy. Illo esseva un comedia con le famose fratres Marx. Le criticos diceva que Love Happy non esseva inter le melior films del fratres Marx, ma Marilyn deveniva famose quando illa se promenava brevemente in le film.

In Love Happy Marilyn debeva dicer "Some men are following me" (Alicun viros me seque). Ben que Groucho diceva que ille non comprendeva proque, su oculos deveniva multo grande quando ille la videva promenar se. A causa de iste scena breve, Marilyn Monroe deveniva famose.

Illa recipeva su proxime opportunitate in Hollywood quando le director John Huston la invitava a apparer in The Asphalt Jungle. In iste film, illa esseva le amica intime de un criminal, e Huston admirava su travalio in le film.

A causa de iste successo, Twentieth Century Fox finalmente la contractava. Illa tunc appareva in All About Eve, que appareva ante le publico in 1950. In iste film Marilyn Monroe esseva un femina blonde sin multe intelligentia, un stereotypo de Hollywood que deveniva ben establite con le carriera de Jean Harlow, le original “dumb blonde”.

Successo international

In 1952 Marilyn Monroe appareva como un "blonda imbecille" in Gentlemen Prefer Blondes; e a causa de iste film illa deveniva, con personas como James Dean, Clark Gable, e Gary Cooper, un del stellas principal de Hollywood.

Su carriera nunc esseva characterisate per multe successos in films como How to Marry a Millionaire, The Seven Year Itch, Bus Stop, e Some Like It Hot. In Some Like It Hot Marilyn Monroe demonstrava talentos considerabile como comico.

Ben que le vita debeva haber essite dulce pro Marilyn Monroe, illa non esseva felice. On la voleva solmente proque illa pareva esser un blonda imbecille perfecte, ma illa voleva devenir un actrice seriose. Le functionarios del studios de Hollywood e su publico solmente la videva como “le bomba blonde”.

Post su prime maritage con le marinero, illa se maritava con duo altere homines, Joe Dimaggio del New York Yankees, e le dramaturgo Arthur Miller. Su maritage a Joe Dimaggio durava solmente pauc menses. Su maritage a Arthur Miller durava cinque annos, ma illo terminava in divorcio.

Marilyn Monroe retornava a Hollywood, ma illa habeva multe difficultates con su carriera. Illa bibeva multe alcohol e ganiava multe peso. Illa anque non apprendeva le dialogos del rolos que illa habeva in su films, e illa frequentemente arrivava in retardo al studio quando illa faceva su films, costante multe moneta al studio.

In 1962 Marilyn Monroe debeva apparer in le film Something’s Got to Give. Ben que illa habeva perdite peso pro le film e faceva multe effortios pro apprender le dialogo de su rolo, illa deveniva malade diverse vices, e le functionarios de Twentieth Century Fox la dimitteva.

Morte e legato

Multes crede que Marilyn Monroe nunquam poteva escappar del vita triste de su infantia. In despecto de su successos in Hollywood, illa continuava a esser le povre infante negligite de su infantia, Norma Jean, e finalmente le onere de su vita infantil causava su fracasso e su morte. Le annos final de su vita esseva marcate per maladia, problemas personal, e un reputation de esser infidel e exigente in collaboration con alteres.

Le 4 de augusto de 1962, Marilyn Monroe moriva sol in su casa. Illa habeva trenta-sex annos. Secundo multe reportos, illa moriva a causa del multe drogas illicite que illa usava. Ma le personas qui la cognosceva, diceva que su maritages fallite e le fracasso de su ultime film anque contribueva a su morte.

Le circumstantias de su morte, causate per un dose troppo forte de barbituratos, es le subjecto de conjecturas. Ben que su morte es officialmente classificate como un "suicidio probabile", le possibilitate de un dose excessive accidental non ha essite eliminate, e il ha theoristas de conspiration qui assere que illa ha essite assassinate.

In 1999, le Instituto American de Film nominava Marilyn Monroe le sexte plus celebre stella feminin in le historia.

Wiki Commons ha files multimedia de: Marilyn Monroe

• Marilyn Monroe al IMDb - Internet Movie Database (anglese)