Margaret Thatcher (nate Margaret Hilda Roberts; 13 de octobre 1925, Grantham – 8 de april 2013, London) esseva un politico educate al Universitate Oxonian, qui serviva como Prime Ministro del Regno Unite desde 1979 a 1990, e como capite del Partito Conservator britannic desde 1975 a 1990.
Illa deveniva le Prime Ministro britannic servente le plus longemente in le seculo XX, e le prime femina obtenente tal carga institutional.
Un jornalista sovietic la supernominava Le Dama de Ferro (anglese: The Iron Lady), denomination presto ben associate per le opinion public de tote Europa al politicas intransigente de su stilo de governantia, in particular mesura depost le guerra anglo-argentin, quando illa resultava reportar le soveranitate national super le archipelago atlantic vocate Falkland islands in anglese e Islas Malvinas in castiliano, precedentemente occupate per le dictatura militar de Leopoldo Galtieri.
Le linea economic typic de su officio habe essite appellate Thatcherismo, un transition que alterava profundemente le societate britannic per medio de liberalisationes, privatisationes, et elimination del poter del syndicatos, atque sovente characterisate per un periodo de forte debatto national e nonnulle episodios de violente protestationes popular.
This article uses material from the Wikipedia Interlingua article Margaret Thatcher, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.