In le biologia, un genere es un gruppamento taxonomic.
In le taxonomia (classification de organismos vivente), un genere es considerate distincte de altere generes. Un genere ha un o plure species: si illo ha plus de un specie, istes ha certe characteristicas morphologic in commun que los distingue del species de altere generes.
In le nomenclatura binominal, le nomine de un organismo es componite de duo partes: su nomine de genere (semper comenciante con un majuscula e in latino) sequite per un classificator de specie (etiam in latino). Un exemplo es Homo sapiens, le nomine pro le specie human, le qual es in le genere Homo.
Un masculo e femina de duo species differente in le mesme genere pote haber genitura, ma lor proles sera sterile. Pro exemplo, le mulo es un hybrida sterile del cavallo (Equus caballus o E. ferus caballus) e le asino (E. asinus o E. africanus asinus).
Genere proveni del parola latin genus, lo que proveni del parola grec antique γενος.
This article uses material from the Wikipedia Interlingua article Genere (rango taxonomic), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.