Քոլումպիա, պաշտօնապէս՝ Քոլումպիայի Հանրապետութիւն (սպ.՝ República de Colombia), պետութիւն Հարաւային Ամերիկայի հիւսիս-արեւմուտքը։ Սահմանակից է արեւելքէն Վենեզուելլային, հարաւ-արեւելքէն Պրազիլին, հարաւ-արեւմուտքէն Փերուին, հարաւէն Էքուատորին եւ հիւսիսէն Փանամային։ Ողողուած է Խաղաղական Ովկիանոսին եւ Քարիպեան ծովուն ջուրերով։
Քոլումպիան սպանացիներուն կողմէ յայտնաբերուած է 1499-ին։ ԺԶ. դարուն: 30-ական թուականներուն սպանացիները վերջնականապէս նուաճած են երկիրը՝ յարակից տարածքներով, եւ դարձուցած գաղութ՝ Նոր Կրանատա անունով (կ'ընդգրկէր նաեւ Էքուատորի, Փանամայի եւ Վենեզուելլայի տարածքները), որ հետագային բաժնուած է։ Քոլումպիայի անկախութիւնը հռչակուած է 20 Յուլիս 1810-ին, սակայն իրական անկախութիւնը սկսած է 1830-էն՝ Մեծ Քոլումպիայի դաշնութեան բաժանումէն ետք (անկէ անջատուած են ներկայիս Վենեզուելլան եւ Էքուատորը)։ 1863-էն երկիրը անուանուած է Քոլումպիայի Միացեալ Նահանգներ, 1886-էն՝ Քոլումպիայի Հանրապետութիւն։ Երկիրին հիմնական բնակիչները Քոլումպիացիներն են։
This article uses material from the Wikipedia Արեւմտահայերէն article Քոլումպիա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.