Մոլտովա

Մոլտովա անունը կու գայ Մոլտովա գետին անունէն, որու աւազանը 1359-ին հիմնուած Մոլտովիոյ իշխանութեան քաղաքական կեդրոնն էր։ Անյայտ է գետին անուան ծագումը։ Սակայն ըստ կարգ մը պատմագիրներու՝ գետը անուանուած է իշխան Տրակոշի կողմէ. որսի ընթացքին, անոր որսաշունը՝ Մոլտան, կը խեղդուի գետին մէջ. գետը կ'անուանուի ի պատիւ շան։

Երկիրը գինի կ'արտադրէ: Ունի խաղողի այգիներ՝ 147,000 հա (360,000 հա), որմէ 102,500 հա (253,000 հա) կ'օգտագործուի առեւտրական արտադրութեան համար: Գոյութիւն ունին 3 պատմական գինիի շրջաններ՝ Valul lui Traian (հարաւ-արեւմուտք), Stefan Voda (հարաւ-արեւելք) եւ Codru (կեդրոն), որոնք նախատեսուած են գինիներու արտադրութեան համար: Mileștii Mici-ն աշխարհի ամենամեծ գինիի մառանն է: Անիկա կ'երկարի 200 Քմ տարածութեան վրայ եւ իր մէջ կ'ամբարէ շուրջ 2 միլիոն շիշ գինի:

Մոլտովիոյ բերրի հողը եւ բարեխառն կլիման (տաք ամառ եւ մեղմ ձմեռ) հին ժամանակներէն ի վեր երկիրը դարձուցած են ամէնէն արդիւնաւէտ գիւղատնտեսական շրջաններէն մէկը եւ հարաւ-արեւելեան Եւրոպայի մէջ գիւղատնտեսական արտադրութիւններու հիմնական մատակարարը: Մոլտովա կ'արտադրէ բանջարեղէն, միրգեր, խաղող, գինի եւ հացահատիկ:

Մոլտովիոյ հիմնական փոխադրամիջոցներն են 1,138 Քմ (707 մղոն) երկաթուղիները եւ մայրուղային համակարգը (ընդհանուր առմամբ 12,730 Քմ կամ 7,910 մղոն, ներառեալ 10,937 Քմ կամ 6,796 մղոն սալիկապատ մակերեսները): Մոլտովիոյ միակ միջազգային օդային դարպասը Չիչինաուի միջազգային օդակայանն է:Դանուբի Giurgiulești ծայրամասը համատեղելի է փոքր ծովային նաւերուն հետ: