Հրաչիկ Սևոյան: բանաստեղծ
Հրաչիկ Եզեկիմի Սևոյան (սեպտեմբերի 27, 1931(1931-09-27), Վարդենիկ, Մարտունու շրջան, Հայկական ԽՍՀ, ԱԽՖՍՀ, ԽՍՀՄ - 1993), բանաստեղծ, թարգմանիչ, գրականագետ, ՀԳՄ անդամ, տնտեսագետ, մանկավարժ։
Հրաչիկ Սևոյան | |
|---|---|
| Ծնվել է | սեպտեմբերի 27, 1931 |
| Ծննդավայր | Մարտունու շրջան, Վարդենիկ գյուղ |
| Վախճանվել է | 1993 |
| Մասնագիտություն | տնտեսագետ, մանկավարժ, բանաստեղծ, թարգմանիչ, գրականագետ, ՀԳՄ անդամ |
| Լեզու | հայերեն |
| Ազգություն | հայ |
| Կրթություն | Վարդենիկ գյուղի միջնակարգ դպրոց |
| Կայք | hrachiksevoyan.am |
Կենսագրություն
Հրաչիկ Սևոյանը ծնվել է 1931 թվականի սեպտեմբերի 27-ին՝ Մարտունու շրջանի (Գեղարքունիքի մարզ) Վարդենիկ գյուղում։ 1950 թվականին ավարտել է գյուղի միջնակարգ դպրոցը, ապա՝ 1951 թվականին ընդունվել Երևանի ֆինանսական տեխնիկումը։ Նույն թվականին զորակոչվում է Խորհրդային բանակ։ Հրաչիկը զորացրվելուց հետո շարունակում է ուսումը և ավարտում տեխնիկումը։ 1954 թվականին ընդունվում է Երևանի պետական համալսարանի տնտեսագիտական ֆակուլտետը։
1959 թվականին որպես ավագ տնտեսագետ սկսում է աշխատել Հայաստանի Սովետական Սոցիալիստական Հանրապետության (ՀՍՍՀ) ֆինանսների նախարարությունում, այնուհետև որպես ֆինբաժնի, իսկ հետո էլ պլանբաժնի վարիչ՝ շինարարության նախարարությունում։
Ծանր հիվանդության պատճառով 1993 թվականին Հրաչիկ Սևոյանը մահանում է։ Նրա աճյունը տեղափոխվում է Երևանում։
Մանկավարժական գործունեություն
1969 թվականից սկսվում է Հրաչիկ Սևոյանի մանկավարժական գործունեությունը։ Սկզբում դասավանդել է Երևանի ֆինանսական տեխնիկումում և զբաղեցրել հեռակա ուսուցման բաժնի վարիչի պաշտոնը։ Այդ ընթացքում ստանձնել է նաև «Հայաստանի ժողովրդական տնտեսություն» ամսագրի պատասխանատու քարտուղարի պաշտոնը։
1970-1975 թվականներին որպես քաղտնտեսության ամբիոնի դասախոս աշխատել է Երևանի գյուղատնտեսական ինստիտուտում և միաժամանակ քաղտնտեսություն է դասավանդել Երևանի ժողովրդական տնտեսության և գեղարվեստաթատերական ինստիտուտներում։ Հրաչիկը աշխատել է նաև Հայաստանի Սովետական Սոցիալիստական ՀանրապետոՀայաստանի Սովետական Սոցիալիստական Հանրապետության գիտությունների ակադեմիայի (ՀՍՍՀ ԳԱ) Տնտեսագիտության ինստիտուտում։
1978-1980 թվականներին աշխատել է Հայհրատպետկոմում, սկզբում որպես ավագ, ապա` առաջատար խմբագիր։ 1980 թվականից դարձել է «Սովետական գրող» հրատարակչության պլանավորման բաժնի վարիչ։
Ընտանիք
1959 թվականին ավարտելով համալսարանը՝ ամուսնանում է։ Ունի երեք զավակ` մեկ որդի և երկու դուստր։
Ստեղծագործություններ
Չնայած իր աշխատանքային ծանրաբեռնվածությանը, Հրաչիկ Սևոյանը թողել է հրաշալի գրական ժառանգություն։ Նրա բազմաթիվ ստեղծագործությունները՝ թարգմանությունները, Սայաթ-Նովայի կյանքին վերաբերող գրականագիտական աշխատությունը և նույնիսկ դիսերտացիայի թեման, որոնք լույս են տեսել տարբեր գրքերում, վկայում են, որ Հրաչիկ Սևոյանը կոչվում է բանաստեղծ։
- Հրաչիկ Սևոյան, Ազնվության վկան ։ Լեգենդներ, առակներ, զրույցներ, Երևան, «Արևիկ»։
- Հրաչիկ Սևոյան, Անթեղ ։ Բանաստեղծություններ, Երևան, «Սովետական գրող»։
- Հրաչիկ Սևոյան, Առակներ, Երևան, «Սովետական գրող»։
- Հրաչիկ Սևոյան, Վլադիմիր Դանիելյան, Կախարդված այգին ։ [Զրույցներ և հեքիաթներ] ։ Դպր. միջին տարիքի համար, Երևան, «Սովետական գրող»։
- Հրաչիկ Սևոյան, Կենաց սրտիս, Երևան, «Զանգակ-97»։
- Հրաչիկ Սևոյան, Հողի բույրը։ Բանաստեղծություններ, Երևան, «Սովետական գրող»։
- Հրաչիկ Սևոյան, Նոր էջեր Սայաթ-Նովայի կյանքից, Երևան, «Հայաստան»։
- Հրաչիկ Սևոյան, Սոցիալիստական մրցությունը որպես տնտեսական օրենք, Երևան, «Գիտելիք»։
- Հրաչիկ Սևոյան, Ստվերներ ։ Առակներ, Երևան, «Սովետական գրող»։
- Հրաչիկ Սևոյան, Փրկության խարիսխ ։ Արձակ ստեղծագործություններ, Երևան, «Զանգակ-97»։
Թարգմանություններ
 | Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Իմ Դաղստան.- Երևան։ Սովետական գրող, 1980.- 332 էջ.- Բովանդ-ից՝ Ստեղծագործությունների մի մասը։
- Խաղաղ Դոնի բանաստեղծները.- Երևան։ Սովետական գրող, 1983.- 138 էջ.- Բովանդ-ից՝ Ժակ Վ.; Խալուպսկի Ի.; Եֆրեմով Վ.:
- Ռեգիստան Հարոլդ։ Աստղերը ձյան մեջ.- Երևան։ Սովետական գրող, 1982.- 137 էջ.- Բովանդ-ից՝ Ստեղծագործությունների մեծ մասը։
Ծանոթագրություններ
This article uses material from the Wikipedia Հայերեն article Հրաչիկ Սևոյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.