Ռիկոթի (վրաց.՝ რიკოთის უღელტეხილი), լեռնանցք Մեծ Կովկասի լեռնաբազուկներից մեկի՝ Լիխի լեռնաշշթայի հարավային հատվածում, լեռնաշղթա, որը Վրաստանը բաժանում է արևմտյան և արևելյան մասերի։ Լեռը կազմված է պալեոզոյան դարաշրջանի գրանիտոիդներից։ Լանջերը ծածկված են կոլխիդյան տիպի լայնատերև ու խառը տիպի անտառներով։ Լիխի լեռնաշղթան ջրբաժան է հանդիսանում Սև ծովի (Ռիոն գետ) և Կասպից ծովի (Կուր գետ) միջև։
Ռիկոթի | |
---|---|
Տեսակ | լեռնանցք |
Երկիր | Վրաստան |
Վարչատարածք | Զեստափոն և Խաշուր |
ԲԾՄ | 996 մետր |
Ռիկոթի լեռնանցքով է անցնում Վրաստանի երկու խոշոր քաղաքները՝ մայրաքաղաք Թբիլիսին ու Քութայիսը միմյանց կապող ավտոմայրուղին, որի մի հատվածն ընկած է 1722 մետր երկարություն ունեցող թունելում։ Ժայռերի միջով փորված այդ թունելը շահագործման է հանձնվել 1982 թվականին։ Շուրջ երեսուն տարի շահագործելուց հետո՝ 2010 թվականին սկսել են թունելի վերականգնման աշխատանքները, որոնք ավարտի են հասցվել են հաջորդ տարում՝ 2011 թվականի նոյեմբերին։
Վիքիպահեստն ունի նյութեր, որոնք վերաբերում են «Ռիկոթի» հոդվածին։ |
This article uses material from the Wikipedia Հայերեն article Ռիկոթի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.