Կերպար Մարիո
Մարիո (ճապ.` マリオ, անգլ.`Mario), համակարգչային գեղարվեստական կերպար և Սուպեր Մարիո եղբայրներ համակարգչային խաղերի սերիայի գլխավոր խաղացվող հերոսը։ Մարիոն ստեղծվել է ճապոնացի խաղերի դիզայներ Շիգերու Միյամոտոյի կողմից։ Դառնալով «Նինթենդո» ընկերության այցեքարտը՝ Մարիոն ստեղծման օրվանից ի վեր հանդես է եկել 200-ից ավելի համակարգչային խաղերում։ Չնայած նա սկզբում եղել է պլատֆորմային խաղերի հերոս, ներկա ժամանակներում նա հայտնվում է նաև համակարգչային խաղերի այլ ժանրերում, ինչպիսին են օրինակ՝ մրցավազք, փազլ, RPG, պայքարային խաղեր և սպորտ։ Քանի որ Մարիոյին և իր եղբորը՝ Լուիջիին անվանում են «Մարիո եղբայրներ», տարբեր խոսակցություններ էին գնում, որ իր լրիվ անունն է Մարիո Մարիո։ 1980-ականներին Նինթենդոն պաշտոնապես հայտարարեց, որ ո'չ Մարիոն, ո'չ Լուիջին չունեն ազգանուն, սակայն 1993 թ.-ի «Մարիո սուպերեղբայրներ» գեղարվեստական ֆիլմում, որը նկարվել էր Մարիոյի մասնակցությամբ խաղերի հիման վրա, նա ու Լուիջին կրում են Մարիո ազգանունը, և իրենց լրիվ անունները լինում են, համապատասխանաբար՝ Մարիո Մարիո և Լուիջի Մարիո։
Անվան այլ կիրառումների համար տե՛ս՝ Մարիո (այլ կիրառումներ)
.jpg)
Մարիոն ներկայացվում է որպես ցածրահասակ իտալո-ամերիկացի ջրմուղագործ, որ ապրում է Սնկային թագավորությունում։ Նա շատ անգամ կանգնեցնում է չարագործ Բաուզերին, որն ուզում էր առևանգել Փիչ արքայադստերը և գրավել Սնկային թագավորությունը։ Մարիոյի մոտ կան նաև այլ թշնամիներ, այդ թվում նաև գորիլա Դանկի Կոնգը և գործարար Վարիոն։ Նրան երբեմն օգնում է եղբայրը՝ Լուիջին։ 1995 թ.-ից Մարիո ձայնն է եղել Չառլզ Մարտինեն։
Որպես Նինթենդոյի թալիսման Մարիոն, համակարգչային խաղերի պատմության մեջ ամենահայտնի հերոսը, և իր պատկերը հաճախ կապված են համակարգչային խաղերի հետ։ Ընդհանուր առմամբ Մարիոն համարվում է բոլոր ժամանակների ամենահանրաճանաչ համակարգչային խաղերի կերպարներից մեկը։ Աշխարհում վաճառվել են Մարիոյի խաղերի ավելի քան 210 միլիոն օրինակ։
Արտաքին հղումներ
Ծանոթագրություններ
 | Վիքիպահեստն ունի նյութեր, որոնք վերաբերում են «Մարիո (կերպար)» հոդվածին։ |
This article uses material from the Wikipedia Հայերեն article Մարիո (կերպար), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.